Russia: వాట్సాప్ బదులు రష్యా కొత్త యాప్.. ఇకపై అన్ని ఫోన్లలో తప్పనిసరి
డిజిటల్ సేవల రంగంలో విదేశీ సంస్థలపై ఆధారపడటాన్ని తగ్గించుకునేందుకు రష్యా ప్రభుత్వం కీలక నిర్ణయం తీసుకుంది. చైనా తరహాలోనే సొంత డిజిటల్ వ్యవస్థను బలోపేతం చేసుకునే దిశగా రష్యా అడుగులు వేస్తోంది. దేశంలో తయారు చేసే అన్ని కొత్త స్మార్ట్ఫోన్లు, టాబ్లెట్లలో దేశీయంగా అభివృద్ధి చేసిన యాప్లను తప్పనిసరిగా ప్రీ-ఇన్స్టాల్ చేయాలని ఆదేశాలు జారీ చేసింది.
ప్రపంచవ్యాప్తంగా ప్రాచుర్యం పొందిన వాట్సాప్కు ప్రత్యామ్నాయంగా రష్యా 'మ్యాక్స్' అనే మెసెంజర్ యాప్ను ప్రోత్సహిస్తోంది. తాజాగా జారీ చేసిన ఆదేశాల ప్రకారం, దేశంలో విక్రయించే ప్రతి కొత్త మొబైల్, టాబ్లెట్లో ఈ యాప్ను తప్పనిసరిగా ఇన్స్టాల్ చేయాల్సి ఉంటుంది. ప్రభుత్వ రంగ సంస్థ 'వి.కె' ఈ యాప్ను అభివృద్ధి చేసింది. ఈ యాప్ ద్వారా ప్రభుత్వ సేవలను కూడా అందించనున్నట్లు అధికారులు తెలిపారు.
ప్రభుత్వ తాజా నిబంధన కేవలం 'మ్యాక్స్' యాప్కే పరిమితం కాలేదు. సెప్టెంబర్ 1 నుంచి రష్యాలో అమ్మే అన్ని యాపిల్ ఐఫోన్లలో దేశీయ యాప్స్టోర్ అయిన 'రూ స్టోర్'ను కూడా ప్రీ-ఇన్స్టాల్ చేయాలని ప్రభుత్వం స్పష్టం చేసింది. అలాగే, వచ్చే ఏడాది ప్రారంభం నుంచి కొత్త స్మార్ట్ టీవీలలో 'లైమ్ హెచ్డీ టీవీ' యాప్ను తప్పనిసరి చేసింది. దీని ద్వారా ప్రభుత్వ టీవీ ఛానళ్లను ప్రజలు ఉచితంగా వీక్షించవచ్చు.
అయితే, ప్రభుత్వ ఆధ్వర్యంలోని యాప్ల ద్వారా యూజర్ల డేటాపై నిఘా పెట్టే ప్రమాదం ఉందని విమర్శకులు ఆందోళన వ్యక్తం చేస్తున్నారు. ఈ ఆరోపణలను రష్యా ప్రభుత్వం ఖండించింది. వాట్సాప్, టెలిగ్రామ్ వంటి యాప్ల కన్నా 'మ్యాక్స్'కు పరిమితమైన యాక్సెస్ మాత్రమే ఉంటుందని, నిఘాకు అవకాశం లేదని అధికారులు స్పష్టం చేశారు.
ప్రపంచవ్యాప్తంగా ప్రాచుర్యం పొందిన వాట్సాప్కు ప్రత్యామ్నాయంగా రష్యా 'మ్యాక్స్' అనే మెసెంజర్ యాప్ను ప్రోత్సహిస్తోంది. తాజాగా జారీ చేసిన ఆదేశాల ప్రకారం, దేశంలో విక్రయించే ప్రతి కొత్త మొబైల్, టాబ్లెట్లో ఈ యాప్ను తప్పనిసరిగా ఇన్స్టాల్ చేయాల్సి ఉంటుంది. ప్రభుత్వ రంగ సంస్థ 'వి.కె' ఈ యాప్ను అభివృద్ధి చేసింది. ఈ యాప్ ద్వారా ప్రభుత్వ సేవలను కూడా అందించనున్నట్లు అధికారులు తెలిపారు.
ప్రభుత్వ తాజా నిబంధన కేవలం 'మ్యాక్స్' యాప్కే పరిమితం కాలేదు. సెప్టెంబర్ 1 నుంచి రష్యాలో అమ్మే అన్ని యాపిల్ ఐఫోన్లలో దేశీయ యాప్స్టోర్ అయిన 'రూ స్టోర్'ను కూడా ప్రీ-ఇన్స్టాల్ చేయాలని ప్రభుత్వం స్పష్టం చేసింది. అలాగే, వచ్చే ఏడాది ప్రారంభం నుంచి కొత్త స్మార్ట్ టీవీలలో 'లైమ్ హెచ్డీ టీవీ' యాప్ను తప్పనిసరి చేసింది. దీని ద్వారా ప్రభుత్వ టీవీ ఛానళ్లను ప్రజలు ఉచితంగా వీక్షించవచ్చు.
అయితే, ప్రభుత్వ ఆధ్వర్యంలోని యాప్ల ద్వారా యూజర్ల డేటాపై నిఘా పెట్టే ప్రమాదం ఉందని విమర్శకులు ఆందోళన వ్యక్తం చేస్తున్నారు. ఈ ఆరోపణలను రష్యా ప్రభుత్వం ఖండించింది. వాట్సాప్, టెలిగ్రామ్ వంటి యాప్ల కన్నా 'మ్యాక్స్'కు పరిమితమైన యాక్సెస్ మాత్రమే ఉంటుందని, నిఘాకు అవకాశం లేదని అధికారులు స్పష్టం చేశారు.
