Kuna Ravikumar: టీడీపీ ఎమ్మెల్యే కూన రవికి వైసీపీ బహిష్కృత ఎమ్మెల్సీ దువ్వాడ మద్దతు
- ప్రిన్సిపాల్ సౌమ్య అంశాన్ని కావాలనే పెద్దది చేస్తున్నారని విమర్శ
- కూన రవి వేధించినట్లు ఆధారాలున్నాయా అని సూటి ప్రశ్న
- టెక్కలిలో కళింగ సామాజికవర్గంపై దాడులు జరుగుతున్నాయని వ్యాఖ్య
శ్రీకాకుళం జిల్లా రాజకీయాల్లో ఒక అనూహ్య పరిణామం చోటుచేసుకుంది. అధికార టీడీపీకి చెందిన ఎమ్మెల్యేకు, వైసీపీ నుంచి సస్పెండైన ఎమ్మెల్సీ మద్దతుగా నిలవడం ఇప్పుడు తీవ్ర చర్చనీయాంశంగా మారింది. ఆముదాలవలస ఎమ్మెల్యే కూన రవికుమార్పై వచ్చిన వేధింపుల ఆరోపణల వెనుక పెద్ద కుట్ర ఉందని వైసీపీ ఎమ్మెల్సీ దువ్వాడ శ్రీనివాస్ సంచలన వ్యాఖ్యలు చేశారు. ఈ వివాదం వెనుక టీడీపీ సీనియర్ నేత అచ్చెన్నాయుడి హస్తం ఉందని ఆయన ఆరోపించడం రాజకీయ వర్గాల్లో ప్రకంపనలు సృష్టిస్తోంది.
వివరాల్లోకి వెళితే, ఆముదాలవలస కస్తూర్బా గాంధీ బాలికల విద్యాలయం (కేజీబీవీ) ప్రిన్సిపాల్ సౌమ్యను ఎమ్మెల్యే కూన రవికుమార్ వేధించారంటూ కొద్దిరోజులుగా ఆరోపణలు వస్తున్న సంగతి తెలిసిందే. ఈ నేపథ్యంలో కూన రవికుమార్కు ఎమ్మెల్సీ దువ్వాడ శ్రీనివాస్ మద్దతు ప్రకటించారు. కూన రవి మంత్రి పదవి రేసులో ఉన్నారని, అది ఇష్టం లేని అచ్చెన్నాయుడే ఈ వివాదాన్ని సృష్టిస్తున్నారని దువ్వాడ ఆరోపించారు. ప్రిన్సిపాల్ సౌమ్య బదిలీ అంశాన్ని అనవసరంగా రాద్ధాంతం చేస్తున్నారని ఆయన విమర్శించారు.
ఈ సందర్భంగా దువ్వాడ మాట్లాడుతూ.. "కూన రవి ఆమెను వేధించినట్లు ఎలాంటి ఆధారాలు ఉన్నాయి? కావాలనే ఈ అంశాన్ని పెద్దది చేస్తున్నారు" అని అన్నారు. అంతేకాకుండా, టెక్కలి నియోజకవర్గంలో కళింగ సామాజిక వర్గానికి చెందిన వారిపై దాడులు జరుగుతున్నాయని ఆయన ఆరోపించారు. అచ్చెన్నాయుడు చెప్పగానే మాజీ మంత్రి కృష్ణదాసు పరామర్శకు వెళ్లడం ఏంటని దువ్వాడ విమర్శించారు. ఒక పార్టీకి చెందిన ఎమ్మెల్యేపై వచ్చిన ఆరోపణల విషయంలో, మరో పార్టీ నేత మద్దతుగా నిలవడమే కాకుండా.. సదరు ఎమ్మెల్యే సొంత పార్టీ సీనియర్ నేతపైనే కుట్ర ఆరోపణలు చేయడం శ్రీకాకుళం రాజకీయాల్లో తీవ్ర ఆసక్తిని రేకెత్తిస్తోంది.
వివరాల్లోకి వెళితే, ఆముదాలవలస కస్తూర్బా గాంధీ బాలికల విద్యాలయం (కేజీబీవీ) ప్రిన్సిపాల్ సౌమ్యను ఎమ్మెల్యే కూన రవికుమార్ వేధించారంటూ కొద్దిరోజులుగా ఆరోపణలు వస్తున్న సంగతి తెలిసిందే. ఈ నేపథ్యంలో కూన రవికుమార్కు ఎమ్మెల్సీ దువ్వాడ శ్రీనివాస్ మద్దతు ప్రకటించారు. కూన రవి మంత్రి పదవి రేసులో ఉన్నారని, అది ఇష్టం లేని అచ్చెన్నాయుడే ఈ వివాదాన్ని సృష్టిస్తున్నారని దువ్వాడ ఆరోపించారు. ప్రిన్సిపాల్ సౌమ్య బదిలీ అంశాన్ని అనవసరంగా రాద్ధాంతం చేస్తున్నారని ఆయన విమర్శించారు.
ఈ సందర్భంగా దువ్వాడ మాట్లాడుతూ.. "కూన రవి ఆమెను వేధించినట్లు ఎలాంటి ఆధారాలు ఉన్నాయి? కావాలనే ఈ అంశాన్ని పెద్దది చేస్తున్నారు" అని అన్నారు. అంతేకాకుండా, టెక్కలి నియోజకవర్గంలో కళింగ సామాజిక వర్గానికి చెందిన వారిపై దాడులు జరుగుతున్నాయని ఆయన ఆరోపించారు. అచ్చెన్నాయుడు చెప్పగానే మాజీ మంత్రి కృష్ణదాసు పరామర్శకు వెళ్లడం ఏంటని దువ్వాడ విమర్శించారు. ఒక పార్టీకి చెందిన ఎమ్మెల్యేపై వచ్చిన ఆరోపణల విషయంలో, మరో పార్టీ నేత మద్దతుగా నిలవడమే కాకుండా.. సదరు ఎమ్మెల్యే సొంత పార్టీ సీనియర్ నేతపైనే కుట్ర ఆరోపణలు చేయడం శ్రీకాకుళం రాజకీయాల్లో తీవ్ర ఆసక్తిని రేకెత్తిస్తోంది.
