Kamar Mohsin Sheikh: మోదీ కోసం చేతితో రాఖీ తయారుచేసిన పాకిస్థాన్ సోదరి.. ఆహ్వానం కోసం ఎదురుచూపు
- మూడు దశాబ్దాలుగా మోదీకి రాఖీ కడుతున్న కమర్ మొహ్సిన్ షేక్
- ఈసారి చేతితో రెండు ప్రత్యేక రాఖీల తయారీ
- మోదీ ఆరెస్సెస్లో వలంటీర్గా ఉన్నప్పటి నుంచీ పరిచయం
ప్రతి సంవత్సరం రక్షా బంధన్ రోజున ప్రధానమంత్రి నరేంద్ర మోదీకి రాఖీ కట్టే కమర్ మొహ్సిన్ షేక్ ఈ ఏడాది చేతితో తయారు చేసిన రెండు ప్రత్యేక రాఖీలను సిద్ధం చేసి, ప్రధాని కార్యాలయం నుంచి ఆహ్వానం కోసం ఎదురుచూస్తున్నారు.
పాకిస్థాన్లోని కరాచీలో జన్మించిన కమర్ మోహ్సిన్ షేక్ 1981లో వివాహం తర్వాత భారతదేశానికి వచ్చారు. గత 30 సంవత్సరాలకు పైగా ఆమె మోదీకి రాఖీ కడుతున్నారు. ఈ సంవత్సరం ఆమె ఓం, వినాయకుడి బొమ్మలతో రెండు రాఖీలు తయారు చేశారు. తాను ఎప్పుడూ మార్కెట్లో రాఖీలు కొననని, ప్రతి సంవత్సరం ఇంట్లోనే స్వయంగా తయారు చేసి, వాటిలో ఒకదాన్ని ప్రధాని మోదీ చేతికి కట్టడానికి ఎంపిక చేస్తానని ఆమె తెలిపారు.
మూడు దశాబ్దాల అనుబంధం
రాష్ట్రీయ స్వయంసేవక్ సంఘ్ (ఆరెస్సెస్)లో మోదీ వలంటీర్గా ఉన్నప్పుడు ఆయనను మొదటిసారి కలుసుకున్నప్పటి జ్ఞాపకాలను కమర్ షేక్ పంచుకున్నారు. అప్పట్లో మోదీ ఆమెను పలకరించడం, ఆ చిన్న సంభాషణతోనే వారిద్దరి మధ్య ఒక సోదర బంధం మొదలయ్యిందని, అది మూడు దశాబ్దాలుగా కొనసాగుతోందని ఆమె చెప్పారు.
అప్పటి నుంచి ఆమె ప్రతి సంవత్సరం మోదీ చేతికి రాఖీ కడుతున్నారు. ఒకసారి ఆమె మోదీ గుజరాత్ ముఖ్యమంత్రి కావాలని కోరుకుని ప్రార్థించగా, అది నిజమైంది. ఆ తర్వాత మోదీ ఆమెను తదుపరి దీవెన ఏమిటని అడిగినప్పుడు.. భారతదేశానికి ప్రధానమంత్రి కావాలని కోరుకున్నానని, తన కోరిక ఇప్పుడు నెరవేరిందని, మోదీ ప్రస్తుతం మూడవసారి ప్రధానిగా ఉన్నారని కమర్ గుర్తు చేసుకున్నారు.
గత సంవత్సరం రక్షా బంధన్కి ఢిల్లీకి వెళ్లడం షేక్కు సాధ్యం కాలేదు. కానీ ఈ సంవత్సరం ప్రధాని కార్యాలయం నుంచి ఆహ్వానం వస్తుందని, మళ్లీ ప్రధానిని కలవాలని ఆమె ఆశిస్తున్నారు. తన భర్తతో కలిసి ప్రయాణించి, తన చేతితో తయారు చేసిన రాఖీని ప్రధాని చేతికి కట్టి, ఈ సంప్రదాయాన్ని కొనసాగించాలని ఆమె అనుకుంటున్నారు. ఈ పండుగ కోసం సిద్ధమవుతూ ప్రధాని ఆరోగ్యం బాగుండాలని, దేశానికి సేవలు కొనసాగించాలని తాను ప్రార్థిస్తున్నానని ఆమె తెలిపారు. ఆయన నాలుగోసారి కూడా అధికారంలోకి రావాలని కోరుకుంటున్నానని చెప్పారు.
పాకిస్థాన్లోని కరాచీలో జన్మించిన కమర్ మోహ్సిన్ షేక్ 1981లో వివాహం తర్వాత భారతదేశానికి వచ్చారు. గత 30 సంవత్సరాలకు పైగా ఆమె మోదీకి రాఖీ కడుతున్నారు. ఈ సంవత్సరం ఆమె ఓం, వినాయకుడి బొమ్మలతో రెండు రాఖీలు తయారు చేశారు. తాను ఎప్పుడూ మార్కెట్లో రాఖీలు కొననని, ప్రతి సంవత్సరం ఇంట్లోనే స్వయంగా తయారు చేసి, వాటిలో ఒకదాన్ని ప్రధాని మోదీ చేతికి కట్టడానికి ఎంపిక చేస్తానని ఆమె తెలిపారు.
మూడు దశాబ్దాల అనుబంధం
రాష్ట్రీయ స్వయంసేవక్ సంఘ్ (ఆరెస్సెస్)లో మోదీ వలంటీర్గా ఉన్నప్పుడు ఆయనను మొదటిసారి కలుసుకున్నప్పటి జ్ఞాపకాలను కమర్ షేక్ పంచుకున్నారు. అప్పట్లో మోదీ ఆమెను పలకరించడం, ఆ చిన్న సంభాషణతోనే వారిద్దరి మధ్య ఒక సోదర బంధం మొదలయ్యిందని, అది మూడు దశాబ్దాలుగా కొనసాగుతోందని ఆమె చెప్పారు.
అప్పటి నుంచి ఆమె ప్రతి సంవత్సరం మోదీ చేతికి రాఖీ కడుతున్నారు. ఒకసారి ఆమె మోదీ గుజరాత్ ముఖ్యమంత్రి కావాలని కోరుకుని ప్రార్థించగా, అది నిజమైంది. ఆ తర్వాత మోదీ ఆమెను తదుపరి దీవెన ఏమిటని అడిగినప్పుడు.. భారతదేశానికి ప్రధానమంత్రి కావాలని కోరుకున్నానని, తన కోరిక ఇప్పుడు నెరవేరిందని, మోదీ ప్రస్తుతం మూడవసారి ప్రధానిగా ఉన్నారని కమర్ గుర్తు చేసుకున్నారు.
గత సంవత్సరం రక్షా బంధన్కి ఢిల్లీకి వెళ్లడం షేక్కు సాధ్యం కాలేదు. కానీ ఈ సంవత్సరం ప్రధాని కార్యాలయం నుంచి ఆహ్వానం వస్తుందని, మళ్లీ ప్రధానిని కలవాలని ఆమె ఆశిస్తున్నారు. తన భర్తతో కలిసి ప్రయాణించి, తన చేతితో తయారు చేసిన రాఖీని ప్రధాని చేతికి కట్టి, ఈ సంప్రదాయాన్ని కొనసాగించాలని ఆమె అనుకుంటున్నారు. ఈ పండుగ కోసం సిద్ధమవుతూ ప్రధాని ఆరోగ్యం బాగుండాలని, దేశానికి సేవలు కొనసాగించాలని తాను ప్రార్థిస్తున్నానని ఆమె తెలిపారు. ఆయన నాలుగోసారి కూడా అధికారంలోకి రావాలని కోరుకుంటున్నానని చెప్పారు.
