విదేశీ విద్య కోసం భారీగా రుణాలు... జోహో వ్యవస్థాపకుడు శ్రీధర్ వెంబు ఏమంటున్నారంటే...!
విదేశాల్లో ఉన్నత విద్య అభ్యసించాలనే కలలు కంటున్న భారతీయ విద్యార్థులకు, వారి తల్లిదండ్రులకు ప్రముఖ టెక్ సంస్థ జోహో వ్యవస్థాపకుడు శ్రీధర్ వెంబు కీలక హెచ్చరికలు జారీ చేశారు. ముఖ్యంగా అమెరికాలో చదువుల కోసం పెద్ద మొత్తంలో విద్యా రుణాలు తీసుకోవడంలో ఉన్న ప్రమాదాల గురించి ఆయన ఆందోళన వ్యక్తం చేశారు. ప్రస్తుతం అమెరికాలో ఉద్యోగ మార్కెట్ చాలా బలహీనంగా ఉందని, ఇమ్మిగ్రేషన్ పరమైన సవాళ్లు కూడా పెరిగాయని ఆయన స్పష్టం చేశారు.
ఈ మేరకు తన 'ఎక్స్' ఖాతాలో ఓ పోస్ట్ ద్వారా ఆయన వాస్తవ పరిస్థితిని వివరించారు. అమెరికాలోని ఓ చిన్న కాలేజీలో మాస్టర్స్ డిగ్రీ కోసం ఓ భారతీయ విద్యార్థి 12 శాతం వడ్డీతో ఏకంగా రూ.70 లక్షల రుణం తీసుకున్న ఉదంతాన్ని ఆయన పంచుకున్నారు. చదువు పూర్తయినా, ఆ విద్యార్థికి ఉద్యోగం దొరకడం గగనంగా మారిందని, త్వరలోనే రుణానికి సంబంధించిన ఈఎంఐలు కూడా మొదలుకానున్నాయని, ఈ పరిస్థితి తనను తీవ్రంగా కలచివేసిందని శ్రీధర్ వెంబు పేర్కొన్నారు.
తల్లిదండ్రులు తమ పిల్లల విదేశీ విద్య కోసం ఇంత భారీగా అప్పులు చేసే ముందు ఒకటికి రెండుసార్లు ఆలోచించుకోవాలని ఆయన గట్టిగా సూచించారు. కేవలం విదేశాల్లోనే కాదు, భారత్లో చదువులకైనా ఇంత పెద్ద మొత్తంలో రుణాలు చేయడం సరైన నిర్ణయం కాదని హితవు పలికారు.
కంపెనీలు కూడా కేవలం డిగ్రీలను చూసి ఉద్యోగాలు ఇచ్చే పద్ధతిని మార్చుకోవాలని ఆయన విజ్ఞప్తి చేశారు. డిగ్రీల కంటే అభ్యర్థుల్లోని నైపుణ్యానికి, ప్రతిభకు ప్రాధాన్యత ఇవ్వాలని సూచించారు. తమ జోహో సంస్థలో విద్యార్థులకు అవసరమైన శిక్షణ ఇచ్చి, వారి నైపుణ్యాలను మెరుగుపరచడంపైనే ఎక్కువగా ఖర్చు చేస్తామని, ఇతర కంపెనీలు కూడా ఇదే విధానాన్ని అనుసరించాలని ఆకాంక్షించారు. ఆర్టిఫిషియల్ ఇంటెలిజెన్స్ (ఏఐ) యుగంలో ఉద్యోగ మార్కెట్ మరింత అనిశ్చితంగా మారిందని, అందుకే తమ కంపెనీ నియామకాల విషయంలో చాలా జాగ్రత్తగా వ్యవహరిస్తోందని శ్రీధర్ వెంబు తెలిపారు. ఆయన పోస్ట్పై నెటిజన్ల నుంచి సానుకూల స్పందన వస్తోంది. విదేశీ చదువుల మోజులో పడి ఆర్థికంగా చితికిపోవద్దని చాలామంది అభిప్రాయపడుతున్నారు.
ఈ మేరకు తన 'ఎక్స్' ఖాతాలో ఓ పోస్ట్ ద్వారా ఆయన వాస్తవ పరిస్థితిని వివరించారు. అమెరికాలోని ఓ చిన్న కాలేజీలో మాస్టర్స్ డిగ్రీ కోసం ఓ భారతీయ విద్యార్థి 12 శాతం వడ్డీతో ఏకంగా రూ.70 లక్షల రుణం తీసుకున్న ఉదంతాన్ని ఆయన పంచుకున్నారు. చదువు పూర్తయినా, ఆ విద్యార్థికి ఉద్యోగం దొరకడం గగనంగా మారిందని, త్వరలోనే రుణానికి సంబంధించిన ఈఎంఐలు కూడా మొదలుకానున్నాయని, ఈ పరిస్థితి తనను తీవ్రంగా కలచివేసిందని శ్రీధర్ వెంబు పేర్కొన్నారు.
తల్లిదండ్రులు తమ పిల్లల విదేశీ విద్య కోసం ఇంత భారీగా అప్పులు చేసే ముందు ఒకటికి రెండుసార్లు ఆలోచించుకోవాలని ఆయన గట్టిగా సూచించారు. కేవలం విదేశాల్లోనే కాదు, భారత్లో చదువులకైనా ఇంత పెద్ద మొత్తంలో రుణాలు చేయడం సరైన నిర్ణయం కాదని హితవు పలికారు.
కంపెనీలు కూడా కేవలం డిగ్రీలను చూసి ఉద్యోగాలు ఇచ్చే పద్ధతిని మార్చుకోవాలని ఆయన విజ్ఞప్తి చేశారు. డిగ్రీల కంటే అభ్యర్థుల్లోని నైపుణ్యానికి, ప్రతిభకు ప్రాధాన్యత ఇవ్వాలని సూచించారు. తమ జోహో సంస్థలో విద్యార్థులకు అవసరమైన శిక్షణ ఇచ్చి, వారి నైపుణ్యాలను మెరుగుపరచడంపైనే ఎక్కువగా ఖర్చు చేస్తామని, ఇతర కంపెనీలు కూడా ఇదే విధానాన్ని అనుసరించాలని ఆకాంక్షించారు. ఆర్టిఫిషియల్ ఇంటెలిజెన్స్ (ఏఐ) యుగంలో ఉద్యోగ మార్కెట్ మరింత అనిశ్చితంగా మారిందని, అందుకే తమ కంపెనీ నియామకాల విషయంలో చాలా జాగ్రత్తగా వ్యవహరిస్తోందని శ్రీధర్ వెంబు తెలిపారు. ఆయన పోస్ట్పై నెటిజన్ల నుంచి సానుకూల స్పందన వస్తోంది. విదేశీ చదువుల మోజులో పడి ఆర్థికంగా చితికిపోవద్దని చాలామంది అభిప్రాయపడుతున్నారు.
