'హరిహర వీరమల్లు' క్లైమాక్స్ అందరికీ నచ్చడం ఆనందం కలిగిస్తోంది: పవన్ కల్యాణ్

ఏపీ డిప్యూటీ సీఎం, పవర్ స్టార్ పవన్ కల్యాణ్ ప్రధాన పాత్రలో క్రిష్, జ్యోతికృష్ణ దర్శకత్వంలో వచ్చిన హరిహర వీరమల్లు చిత్రం నేడు థియేటర్లలో రిలీజైంది. ఈ చిత్రం సక్సెస్ మీట్ ను హైదరాబాదులో నిర్వహించగా, పవన్ కల్యాణ్ హాజరయ్యరు. ఈ సందర్భంగా ఆయన తన మనోభావాలను పంచుకున్నారు.

 పవన్ స్పీచ్ హైలైట్స్

• నేనెప్పుడూ నన్నొక హీరో అనుకోలేదు. కానీ విధి అలా నడిపించింది... హీరో అయ్యాను, రాజకీయ నాయకుడ్ని అయ్యాను.
• హరిహర వీరమల్లు ఏ స్థాయిలో విజయం సాధించిందనేది నాకు తెలియదు. పీరియాడిక్ చిత్రాల్లో వీఎఫ్ఎక్స్ కంటే ఎమోషన్స్ ఎలా ఉన్నాయనేది చూడాలి.
• గట్టిగా 200 ఏళ్లు కూడా లేని మొఘలుల చరిత్ర గురించి గొప్పగా చెబుతారు కానీ, మన రుద్రమదేవి, శ్రీకృష్ణదేవరాయల గురించి ఎందుకు చెప్పరు?
• ఔరంగజేబు చేసిన దారుణాలను చరిత్రకారులు దాచిపెట్టారు.
• హరిహర వీరమల్లు క్లైమాక్స్ సీన్ అందరికీ నచ్చడం నాకెంతో సంతోషం కలిగిస్తోంది.
• హరిహర వీరమల్లు సెకండ్ పార్ట్ ఇప్పటికే 30 శాతం చిత్రీకరణ జరుపుకుంది. త్వరగా పూర్తవుతుందని ఆశిస్తున్నా.
• హరిహర వీరమల్లు చిత్రాన్ని బాయ్ కాట్ చేసే ప్రయత్నాలు జరిగాయి... నా సినిమా వాళ్లను అంత భయపెట్టిందా?
• హిందువుగా ఉంటే జిజియా పన్ను కట్టాలన్న శాసనాన్ని ఎవరూ ప్రశ్నించరేంటి అనుకున్నాను. ఈ చిత్రంలో ఆ పాయింట్ ను లేవనెత్తినెందుకు సంతోషంగా ఉంది.
• హరిహర వీరమల్లు పార్ట్-1లో ఏవైనా తప్పులు ఉంటే చెప్పండి... సెకండ్ పార్ట్ లో సరిదిద్దుకుంటాం.
• మా సినిమా గురించి నెగెటివ్ గా మాట్లాడుతున్నారంటే మేం బలమైన వాళ్లమనే అర్థం.
• నేను ఏ స్థాయికి ఎదిగానో నాకు తెలియదు... నాకు తెలిసిందల్లా ధైర్యంగా ఉండడమే.
• నేను ఎప్పుడూ డిప్రెషన్ కు లోనవ్వను. విజయం కంటే ఎలాగోలా బతకడమే ముఖ్యం అనుకుంటాను.