Humaira Asghar Ali: కరాచీలోని తన ఫ్లాట్లో శవమై కనిపించిన పాకిస్థాన్ ప్రముఖ నటి
- పాకిస్థానీ నటి హుమైరా అస్గర్ అలీ అనుమానాస్పద మృతి
- కరాచీలోని తన ఫ్లాట్లో శవంగా గుర్తింపు
- మూడు వారాలుగా కనిపించకుండా పోయిన నటి
- దుర్వాసన రావడంతో పోలీసులకు సమాచారం
- సహజ మరణంగా కేసు నమోదు చేసిన పోలీసులు
పాకిస్థాన్కు చెందిన ప్రముఖ నటి, మోడల్ హుమైరా అస్గర్ అలీ (30) అనుమానాస్పద స్థితిలో మృతి చెందారు. ఆమె కరాచీలోని డిఫెన్స్ ఏరియాలో నివసిస్తున్న ఫ్లాట్లో విగతజీవిగా పడి ఉన్నారు. వివరాల్లోకి వెళితే, హుమైరా అస్గర్ గత కొన్నేళ్లుగా ఒంటరిగా నివసిస్తున్నారు. అయితే, గత మూడు వారాలుగా ఆమె ఎవరికీ కనిపించలేదు. ఈ క్రమంలోనే ఆమె ఫ్లాట్ నుంచి తీవ్రమైన దుర్వాసన వస్తుండటంతో స్థానికులు అనుమానంతో పోలీసులకు సమాచారం అందించారు.
ఘటనా స్థలానికి చేరుకున్న పోలీసులు పలుమార్లు తలుపు తట్టినా లోపలి నుంచి ఎలాంటి స్పందన రాలేదు. దీంతో తలుపులు పగలగొట్టి లోపలికి ప్రవేశించగా, హుమైరా మృతదేహం కుళ్లిన స్థితిలో కనిపించింది. మృతదేహాన్ని పోస్టుమార్టం నిమిత్తం ఆసుపత్రికి తరలించారు.
ఈ ఘటనపై కేసు నమోదు చేసిన పోలీసులు, ప్రాథమికంగా ఎలాంటి అనుమానాలు లేవని, దీనిని సహజ మరణంగా భావిస్తున్నామని తెలిపారు. పోస్టుమార్టం నివేదిక వచ్చాక మృతికి గల కచ్చితమైన కారణాలు తెలుస్తాయని వివరించారు. హుమైరా అస్గర్ అలీ 'తమాషా ఘర్' అనే రియాలిటీ టీవీ సిరీస్తో పాటు 'జలైబీ' చిత్రంలో నటించి పాకిస్థాన్లో మంచి గుర్తింపు తెచ్చుకున్నారు.
ఘటనా స్థలానికి చేరుకున్న పోలీసులు పలుమార్లు తలుపు తట్టినా లోపలి నుంచి ఎలాంటి స్పందన రాలేదు. దీంతో తలుపులు పగలగొట్టి లోపలికి ప్రవేశించగా, హుమైరా మృతదేహం కుళ్లిన స్థితిలో కనిపించింది. మృతదేహాన్ని పోస్టుమార్టం నిమిత్తం ఆసుపత్రికి తరలించారు.
ఈ ఘటనపై కేసు నమోదు చేసిన పోలీసులు, ప్రాథమికంగా ఎలాంటి అనుమానాలు లేవని, దీనిని సహజ మరణంగా భావిస్తున్నామని తెలిపారు. పోస్టుమార్టం నివేదిక వచ్చాక మృతికి గల కచ్చితమైన కారణాలు తెలుస్తాయని వివరించారు. హుమైరా అస్గర్ అలీ 'తమాషా ఘర్' అనే రియాలిటీ టీవీ సిరీస్తో పాటు 'జలైబీ' చిత్రంలో నటించి పాకిస్థాన్లో మంచి గుర్తింపు తెచ్చుకున్నారు.
