టీటీడీలో కలకలం.. వైసీపీ నేత నిరసన వెనుక ఉద్యోగి హస్తం?
తిరుమల శ్రీవారి సర్వదర్శనం క్యూలైన్లో రెండు రోజుల క్రితం జరిగిన ఓ ఘటన తీవ్ర కలకలం రేపుతోంది. కాకినాడకు చెందిన వైసీపీ నాయకుడు బి. అచ్చారావు, తిరుమల తిరుపతి దేవస్థానం (టీటీడీ) చైర్మన్, ఇతర అధికారులకు వ్యతిరేకంగా నిరసన వ్యక్తం చేశారు. ఈ నిరసనను వీడియో తీసి, సోషల్ మీడియాలో వైరల్ చేసింది టీటీడీ ఉద్యోగేనని తేలింది.
వివరాల్లోకి వెళితే.. టీటీడీ ఆరోగ్య విభాగంలో విధులు నిర్వహిస్తున్న సదరు ఉద్యోగి.. అచ్చారావు నిరసనను ప్రోత్సహించడమే కాకుండా, ఆ దృశ్యాలను తన ఫోన్లో చిత్రీకరించి, వైసీపీకి చెందిన సోషల్ మీడియా గ్రూపుల్లో ప్రచారం చేయించినట్టు విజిలెన్స్ విభాగం ప్రాథమికంగా గుర్తించింది. ఈ సమాచారం ఆధారంగా, విజిలెన్స్ అధికారులు ఆ ఉద్యోగిని అదుపులోకి తీసుకుని విచారిస్తున్నట్టు విశ్వసనీయ వర్గాల ద్వారా తెలిసింది.
ఇటీవల వైసీపీ నేత, తిరుపతి ఎమ్మెల్యే భూమన కరుణాకరరెడ్డి మాట్లాడుతూ.. టీటీడీలో తమ పార్టీకి చెందిన సుమారు రెండు వేల మంది ఉద్యోగులు పనిచేస్తున్నారని చెప్పారు. ఈ వ్యాఖ్యలు టీటీడీ పరిపాలన వ్యవస్థ విశ్వసనీయతపై నీలినీడలు కమ్ముకునేలా చేశాయి. ఈ నేపథ్యంలో టీటీడీ ఉద్యోగి ఒకరు సంస్థకు వ్యతిరేకంగా జరిగిన నిరసనను ప్రోత్సహించి, దానిని ప్రచారం చేయడం ఇప్పుడు చర్చనీయాంశంగా మారింది. ఈ ఘటన వెనుక ఏదైనా కుట్ర కోణం ఉందా అనే దిశగా నిఘా వర్గాలు, పోలీసు విభాగం లోతుగా దర్యాప్తు చేస్తున్నాయి.
మరోవైపు, దేవస్థానం ప్రతిష్ఠకు భంగం కలిగించేలా నినాదాలు చేసిన వైసీపీ నేత అచ్చారావు.. తాను ఆ సమయంలో ఆవేశంలో విచక్షణ కోల్పోయి అలాంటి వ్యాఖ్యలు చేశానని, తన పొరపాటును మన్నించాలని టీటీడీ అధికారులను క్షమాపణ కోరారు. అయినప్పటికీ, రాజకీయ దురుద్దేశంతో వివాదాన్ని రాజేసి, భక్తుల మనోభావాలను దెబ్బతీశారన్న ఆరోపణలపై పోలీసులు ఆయనపై బైండోవర్ కేసు నమోదు చేశారు.
వివరాల్లోకి వెళితే.. టీటీడీ ఆరోగ్య విభాగంలో విధులు నిర్వహిస్తున్న సదరు ఉద్యోగి.. అచ్చారావు నిరసనను ప్రోత్సహించడమే కాకుండా, ఆ దృశ్యాలను తన ఫోన్లో చిత్రీకరించి, వైసీపీకి చెందిన సోషల్ మీడియా గ్రూపుల్లో ప్రచారం చేయించినట్టు విజిలెన్స్ విభాగం ప్రాథమికంగా గుర్తించింది. ఈ సమాచారం ఆధారంగా, విజిలెన్స్ అధికారులు ఆ ఉద్యోగిని అదుపులోకి తీసుకుని విచారిస్తున్నట్టు విశ్వసనీయ వర్గాల ద్వారా తెలిసింది.
ఇటీవల వైసీపీ నేత, తిరుపతి ఎమ్మెల్యే భూమన కరుణాకరరెడ్డి మాట్లాడుతూ.. టీటీడీలో తమ పార్టీకి చెందిన సుమారు రెండు వేల మంది ఉద్యోగులు పనిచేస్తున్నారని చెప్పారు. ఈ వ్యాఖ్యలు టీటీడీ పరిపాలన వ్యవస్థ విశ్వసనీయతపై నీలినీడలు కమ్ముకునేలా చేశాయి. ఈ నేపథ్యంలో టీటీడీ ఉద్యోగి ఒకరు సంస్థకు వ్యతిరేకంగా జరిగిన నిరసనను ప్రోత్సహించి, దానిని ప్రచారం చేయడం ఇప్పుడు చర్చనీయాంశంగా మారింది. ఈ ఘటన వెనుక ఏదైనా కుట్ర కోణం ఉందా అనే దిశగా నిఘా వర్గాలు, పోలీసు విభాగం లోతుగా దర్యాప్తు చేస్తున్నాయి.
మరోవైపు, దేవస్థానం ప్రతిష్ఠకు భంగం కలిగించేలా నినాదాలు చేసిన వైసీపీ నేత అచ్చారావు.. తాను ఆ సమయంలో ఆవేశంలో విచక్షణ కోల్పోయి అలాంటి వ్యాఖ్యలు చేశానని, తన పొరపాటును మన్నించాలని టీటీడీ అధికారులను క్షమాపణ కోరారు. అయినప్పటికీ, రాజకీయ దురుద్దేశంతో వివాదాన్ని రాజేసి, భక్తుల మనోభావాలను దెబ్బతీశారన్న ఆరోపణలపై పోలీసులు ఆయనపై బైండోవర్ కేసు నమోదు చేశారు.
