Narendra Modi: అమరావతి సభ ముగింపు ఆలస్యం.. మోదీ హెలికాప్టర్పై టెన్షన్
అమరావతి పునర్నిర్మాణ పనుల ప్రారంభోత్సవ సభకు హాజరైన ప్రధానమంత్రి నరేంద్ర మోదీ తిరుగు ప్రయాణంలో చివరి నిమిషంలో ఉత్కంఠ నెలకొంది. సభ అనుకున్న సమయం కంటే ఆలస్యంగా ముగియడం, చీకటి పడుతుండటంతో హెలికాప్టర్ టేకాఫ్పై ఆందోళన నెలకొంది. అయితే, చివరికి ఎలాంటి ఇబ్బంది లేకుండా ప్రధాని హెలికాప్టర్ విజయవాడకు బయలుదేరడంతో అధికారులు ఊపిరి పీల్చుకున్నారు.
గంట ఆలస్యంతో పెరిగిన ఆందోళన
నిర్ణీత షెడ్యూల్ ప్రకారం సాయంత్రం 4:45 గంటలకు సభ ముగిసి, ప్రధాని మోదీ హెలిప్యాడ్ వద్దకు బయలుదేరాల్సి ఉంది. అయితే, సభలో ప్రసంగాలు సుదీర్ఘంగా సాగడంతో కార్యక్రమం ముగిసేసరికి సాయంత్రం 5:45 గంటలు అయింది. సుమారు గంట సమయం ఆలస్యం కావడంతో పరిస్థితి ఆందోళనకరంగా మారింది. సాయంత్రం 4:30 గంటల నుంచే వాతావరణం చల్లబడి, ఆకాశం మేఘావృతమైంది. దీనికి తోడు వెలుతురు కూడా క్రమంగా తగ్గడం ప్రారంభమైంది.
ప్రత్యామ్నాయ మార్గంపై ఎస్పీజీ, పోలీసుల చర్చ
సాయంత్రం 6 గంటలు దాటిన తర్వాత హెలికాప్టర్లు టేకాఫ్ చేయడం సురక్షితం కాదని పైలట్లు స్పష్టం చేశారు. సమయం దగ్గర పడుతుండటంతో ఎస్పీజీ అధికారులు, రాష్ట్ర పోలీసులు అప్రమత్తమయ్యారు. ఒకవేళ హెలికాప్టర్ టేకాఫ్కు వీలుపడని పక్షంలో, ప్రధానిని రోడ్డు మార్గం ద్వారా నేరుగా విజయవాడ విమానాశ్రయానికి తరలించే అంశంపై తక్షణమే చర్చించి, ప్రత్యామ్నాయ ఏర్పాట్లను కూడా సిద్ధం చేసుకున్నారు.
సురక్షితంగా టేకాఫ్
సభ ముగిసిన వెంటనే, సరిగ్గా 5:45 గంటలకు ప్రధాని కాన్వాయ్ సభా ప్రాంగణం నుంచి హెలిప్యాడ్ వైపు బయలుదేరింది. కేవలం ఏడు నిమిషాల్లోనే అంటే 5:52 గంటలకు కాన్వాయ్ హెలిప్యాడ్ వద్దకు చేరుకుంది. అప్పటికే సిద్ధంగా ఉన్న హెలికాప్టర్లలోకి ప్రధాని వెళ్లిన వెంటనే సరిగ్గా 5:57 గంటలకు హెలికాప్టర్లు సురక్షితంగా గాల్లోకి లేచాయి. ఆరు గంటల లోపే టేకాఫ్ ప్రక్రియ విజయవంతంగా పూర్తికావడంతో భద్రతా సిబ్బంది, అధికారులు ఊపిరి పీల్చుకున్నారు. అనంతరం విజయవాడ విమానాశ్రయంలో ప్రధాని మోదీకి ముఖ్యమంత్రి చంద్రబాబు నాయుడు, స్పీకర్ అయ్యన్నపాత్రుడు, డిప్యూటీ స్పీకర్ రఘురామకృష్ణరాజు, హోంమంత్రి అనిత తదితరులు వీడ్కోలు పలికారు.
గంట ఆలస్యంతో పెరిగిన ఆందోళన
నిర్ణీత షెడ్యూల్ ప్రకారం సాయంత్రం 4:45 గంటలకు సభ ముగిసి, ప్రధాని మోదీ హెలిప్యాడ్ వద్దకు బయలుదేరాల్సి ఉంది. అయితే, సభలో ప్రసంగాలు సుదీర్ఘంగా సాగడంతో కార్యక్రమం ముగిసేసరికి సాయంత్రం 5:45 గంటలు అయింది. సుమారు గంట సమయం ఆలస్యం కావడంతో పరిస్థితి ఆందోళనకరంగా మారింది. సాయంత్రం 4:30 గంటల నుంచే వాతావరణం చల్లబడి, ఆకాశం మేఘావృతమైంది. దీనికి తోడు వెలుతురు కూడా క్రమంగా తగ్గడం ప్రారంభమైంది.
ప్రత్యామ్నాయ మార్గంపై ఎస్పీజీ, పోలీసుల చర్చ
సాయంత్రం 6 గంటలు దాటిన తర్వాత హెలికాప్టర్లు టేకాఫ్ చేయడం సురక్షితం కాదని పైలట్లు స్పష్టం చేశారు. సమయం దగ్గర పడుతుండటంతో ఎస్పీజీ అధికారులు, రాష్ట్ర పోలీసులు అప్రమత్తమయ్యారు. ఒకవేళ హెలికాప్టర్ టేకాఫ్కు వీలుపడని పక్షంలో, ప్రధానిని రోడ్డు మార్గం ద్వారా నేరుగా విజయవాడ విమానాశ్రయానికి తరలించే అంశంపై తక్షణమే చర్చించి, ప్రత్యామ్నాయ ఏర్పాట్లను కూడా సిద్ధం చేసుకున్నారు.
సురక్షితంగా టేకాఫ్
సభ ముగిసిన వెంటనే, సరిగ్గా 5:45 గంటలకు ప్రధాని కాన్వాయ్ సభా ప్రాంగణం నుంచి హెలిప్యాడ్ వైపు బయలుదేరింది. కేవలం ఏడు నిమిషాల్లోనే అంటే 5:52 గంటలకు కాన్వాయ్ హెలిప్యాడ్ వద్దకు చేరుకుంది. అప్పటికే సిద్ధంగా ఉన్న హెలికాప్టర్లలోకి ప్రధాని వెళ్లిన వెంటనే సరిగ్గా 5:57 గంటలకు హెలికాప్టర్లు సురక్షితంగా గాల్లోకి లేచాయి. ఆరు గంటల లోపే టేకాఫ్ ప్రక్రియ విజయవంతంగా పూర్తికావడంతో భద్రతా సిబ్బంది, అధికారులు ఊపిరి పీల్చుకున్నారు. అనంతరం విజయవాడ విమానాశ్రయంలో ప్రధాని మోదీకి ముఖ్యమంత్రి చంద్రబాబు నాయుడు, స్పీకర్ అయ్యన్నపాత్రుడు, డిప్యూటీ స్పీకర్ రఘురామకృష్ణరాజు, హోంమంత్రి అనిత తదితరులు వీడ్కోలు పలికారు.