Chennai Super Kings: చెన్నై సూపర్ కింగ్స్ ఆ ఇద్దర్ని వదులుకోవచ్చు: మాజీ కోచ్ బంగర్
చెన్నై సూపర్ కింగ్స్ జట్టులోని కీలక ఆటగాడు, సీనియర్ స్పిన్నర్ రవిచంద్రన్ అశ్విన్ గురించి టీమిండియా మాజీ కోచ్ సంజయ్ బంగర్ ఆసక్తికర వ్యాఖ్యలు చేశారు. వచ్చే ఐపీఎల్ సీజన్ నాటికి చెన్నై జట్టు అశ్విన్ను వదులుకునే అవకాశాలు ఉన్నాయని ఆయన అభిప్రాయపడ్డారు. ప్రస్తుత సీజన్లో అశ్విన్ ప్రదర్శన, ఆ జట్టు బడ్జెట్ సర్దుబాట్లు వంటి కారణాలతో ఈ మార్పు జరగవచ్చని ఆయన అంచనా వేశారు.
ఈ నేపథ్యంలో సంజయ్ బంగర్ మాట్లాడుతూ, "ఐపీఎల్ 2026 సీజన్కు అశ్విన్ను చెన్నై రిటైన్ చేసుకుంటుందా లేదా అన్నది పెద్ద ప్రశ్న. అతని కోసం జట్టు ఎక్కువ మొత్తంలో ఖర్చు చేసింది. ఆ భారం తగ్గించుకోవాలంటే జట్టు యాజమాన్యం కొన్ని కఠిన నిర్ణయాలు తీసుకోవాల్సి ఉంటుంది" అని తెలిపారు.
"నాకున్న సమాచారం ప్రకారం, భారీ మొత్తానికి కొనుగోలు చేసిన అశ్విన్తో పాటు, పేసర్ మతీశ పతిరణను కూడా వదులుకునే అంశంపై చెన్నై సూపర్ కింగ్స్ యాజమాన్యం ఆలోచిస్తున్నట్లు తెలుస్తోంది. వారి స్థానంలో కొత్త ఆటగాళ్లను తీసుకోవడంపై దృష్టి పెట్టవచ్చు" అని బంగర్ విశ్లేషించారు.
ఈ సీజన్కు ముందు జరిగిన వేలంలో చెన్నై సూపర్ కింగ్స్ యాజమాన్యం అశ్విన్ను రూ. 9.75 కోట్లు వెచ్చించి కొనుగోలు చేసింది. అలాగే, శ్రీలంక పేసర్ మతీశ పతిరణను రూ. 13 కోట్లతో జట్టు అట్టిపెట్టుకుంది. అయితే, ఈ సీజన్లో అశ్విన్ ఆడిన ఏడు మ్యాచ్లలో కేవలం 5 వికెట్లు మాత్రమే తీసి నిరాశపరిచాడు. పేలవ ఫామ్ కారణంగా కొన్ని మ్యాచ్లలో అతన్ని తుది జట్టు నుంచి కూడా తప్పించారు. మరోవైపు పతిరణ ప్రదర్శన కూడా అంతంతమాత్రంగానే ఉంది.
ఈ ఐపీఎల్ సీజన్లో చెన్నై సూపర్ కింగ్స్ జట్టు ప్రదర్శన కూడా ఘోరంగా ఉంది. ఆడిన 10 మ్యాచ్లలో కేవలం రెండు విజయాలు మాత్రమే సాధించి, ఎనిమిది మ్యాచ్లలో ఓటమి పాలైంది. దీంతో ప్లేఆఫ్స్ రేసు నుంచి ఇప్పటికే నిష్క్రమించింది.
ఈ నేపథ్యంలో సంజయ్ బంగర్ మాట్లాడుతూ, "ఐపీఎల్ 2026 సీజన్కు అశ్విన్ను చెన్నై రిటైన్ చేసుకుంటుందా లేదా అన్నది పెద్ద ప్రశ్న. అతని కోసం జట్టు ఎక్కువ మొత్తంలో ఖర్చు చేసింది. ఆ భారం తగ్గించుకోవాలంటే జట్టు యాజమాన్యం కొన్ని కఠిన నిర్ణయాలు తీసుకోవాల్సి ఉంటుంది" అని తెలిపారు.
"నాకున్న సమాచారం ప్రకారం, భారీ మొత్తానికి కొనుగోలు చేసిన అశ్విన్తో పాటు, పేసర్ మతీశ పతిరణను కూడా వదులుకునే అంశంపై చెన్నై సూపర్ కింగ్స్ యాజమాన్యం ఆలోచిస్తున్నట్లు తెలుస్తోంది. వారి స్థానంలో కొత్త ఆటగాళ్లను తీసుకోవడంపై దృష్టి పెట్టవచ్చు" అని బంగర్ విశ్లేషించారు.
ఈ సీజన్కు ముందు జరిగిన వేలంలో చెన్నై సూపర్ కింగ్స్ యాజమాన్యం అశ్విన్ను రూ. 9.75 కోట్లు వెచ్చించి కొనుగోలు చేసింది. అలాగే, శ్రీలంక పేసర్ మతీశ పతిరణను రూ. 13 కోట్లతో జట్టు అట్టిపెట్టుకుంది. అయితే, ఈ సీజన్లో అశ్విన్ ఆడిన ఏడు మ్యాచ్లలో కేవలం 5 వికెట్లు మాత్రమే తీసి నిరాశపరిచాడు. పేలవ ఫామ్ కారణంగా కొన్ని మ్యాచ్లలో అతన్ని తుది జట్టు నుంచి కూడా తప్పించారు. మరోవైపు పతిరణ ప్రదర్శన కూడా అంతంతమాత్రంగానే ఉంది.
ఈ ఐపీఎల్ సీజన్లో చెన్నై సూపర్ కింగ్స్ జట్టు ప్రదర్శన కూడా ఘోరంగా ఉంది. ఆడిన 10 మ్యాచ్లలో కేవలం రెండు విజయాలు మాత్రమే సాధించి, ఎనిమిది మ్యాచ్లలో ఓటమి పాలైంది. దీంతో ప్లేఆఫ్స్ రేసు నుంచి ఇప్పటికే నిష్క్రమించింది.
