Indian Air Force: గంగా ఎక్స్ప్రెస్ వేపై వాయుసేన యుద్ధ విమానాల ట్రయల్స్
- యుద్ధ విమానాల అత్యవసర ల్యాండింగ్, టేకాఫ్ సామర్థ్య పరీక్ష
- షాజహాన్పుర్ వద్ద 3.5 కి.మీ. ఎయిర్ స్ట్రిప్పై విన్యాసాలు
- పగలు, రాత్రి వేళల్లోనూ కొనసాగుతున్న ట్రయల్స్
ఉత్తర్ప్రదేశ్లోని గంగా ఎక్స్ప్రెస్వేపై భారత వైమానిక దళం (ఐఏఎఫ్) శుక్రవారం ప్రత్యేక విన్యాసాలు చేపట్టింది. అత్యవసర పరిస్థితుల్లో యుద్ధ విమానాల ల్యాండింగ్, టేకాఫ్లకు ఈ ఎక్స్ప్రెస్వే ఎంతవరకు అనుకూలంగా ఉందో పరీక్షించేందుకు ఈ కసరత్తు నిర్వహిస్తున్నారు. షాజహాన్పుర్ సమీపంలో గంగా ఎక్స్ప్రెస్వేపై ప్రత్యేకంగా నిర్మించిన సుమారు 3.5 కిలోమీటర్ల ఎయిర్ స్ట్రిప్ వేదికగా ఈ ట్రయల్స్ జరుగుతున్నాయి.
యుద్ధ సమయాల్లో లేదా ఇతర అత్యవసర సమయాల్లో వైమానిక స్థావరాలు అందుబాటులో లేనప్పుడు, ఎక్స్ప్రెస్వేలను ప్రత్యామ్నాయ రన్వేలుగా ఉపయోగించుకునే సామర్థ్యాన్ని అంచనా వేయడమే ఈ విన్యాసాల ముఖ్య ఉద్దేశ్యం. ఇందులో భాగంగా, ఉదయం సాధారణ సమయాల్లోనూ, రాత్రి 7 గంటల నుంచి 10 గంటల మధ్యలోనూ యుద్ధ విమానాల ల్యాండింగ్, టేకాఫ్లను ఐఏఎఫ్ సిబ్బంది పరీక్షిస్తున్నారు.
ఈ విన్యాసాల నేపథ్యంలో ఉత్తర్ప్రదేశ్ ప్రభుత్వం పటిష్టమైన భద్రతా ఏర్పాట్లు చేసింది. ఎయిర్ స్ట్రిప్ ప్రాంతంలో సుమారు 250 సీసీ కెమెరాలను ఏర్పాటు చేసి నిరంతర నిఘా కొనసాగిస్తున్నారు. గురువారం నుంచే ఈ మార్గాన్ని పూర్తిగా వైమానిక దళం తమ ఆధీనంలోకి తీసుకుంది. రఫెల్, సుకోయ్-30ఎంకేఐ, మిరాజ్-2000, మిగ్-29, జాగ్వార్, సీ-130జే సూపర్ హెర్క్యులస్, ఏఎన్-32 ట్రాన్సుపోర్టు ఎయిర్ క్రాఫ్ట్, ఎంఐ-17 వీ5 హెలికాప్టర్లతో విన్యాసాలు చేపట్టింది.
కాగా, ఉత్తర్ప్రదేశ్లో యుద్ధ విమానాల అత్యవసర ల్యాండింగ్ల కోసం ఎయిర్ స్ట్రిప్ సౌకర్యంతో నిర్మించిన ఎక్స్ప్రెస్వేలలో ఇది నాలుగోది. గతంలో ఆగ్రా-లక్నో ఎక్స్ప్రెస్ వే, పూర్వాంచల్ ఎక్స్ప్రెస్ వే, బుందేల్ఖండ్ ఎక్స్ప్రెస్ వేలపై కూడా ఇలాంటి ఏర్పాట్లు ఉన్నాయి. ఈ పరీక్షల ద్వారా ఎక్స్ప్రెస్ వేల బహుళ ప్రయోజన సామర్థ్యాన్ని, దేశ రక్షణ సంసిద్ధతను ఐఏఎఫ్ బలోపేతం చేసుకుంటోంది.
యుద్ధ సమయాల్లో లేదా ఇతర అత్యవసర సమయాల్లో వైమానిక స్థావరాలు అందుబాటులో లేనప్పుడు, ఎక్స్ప్రెస్వేలను ప్రత్యామ్నాయ రన్వేలుగా ఉపయోగించుకునే సామర్థ్యాన్ని అంచనా వేయడమే ఈ విన్యాసాల ముఖ్య ఉద్దేశ్యం. ఇందులో భాగంగా, ఉదయం సాధారణ సమయాల్లోనూ, రాత్రి 7 గంటల నుంచి 10 గంటల మధ్యలోనూ యుద్ధ విమానాల ల్యాండింగ్, టేకాఫ్లను ఐఏఎఫ్ సిబ్బంది పరీక్షిస్తున్నారు.
ఈ విన్యాసాల నేపథ్యంలో ఉత్తర్ప్రదేశ్ ప్రభుత్వం పటిష్టమైన భద్రతా ఏర్పాట్లు చేసింది. ఎయిర్ స్ట్రిప్ ప్రాంతంలో సుమారు 250 సీసీ కెమెరాలను ఏర్పాటు చేసి నిరంతర నిఘా కొనసాగిస్తున్నారు. గురువారం నుంచే ఈ మార్గాన్ని పూర్తిగా వైమానిక దళం తమ ఆధీనంలోకి తీసుకుంది. రఫెల్, సుకోయ్-30ఎంకేఐ, మిరాజ్-2000, మిగ్-29, జాగ్వార్, సీ-130జే సూపర్ హెర్క్యులస్, ఏఎన్-32 ట్రాన్సుపోర్టు ఎయిర్ క్రాఫ్ట్, ఎంఐ-17 వీ5 హెలికాప్టర్లతో విన్యాసాలు చేపట్టింది.
కాగా, ఉత్తర్ప్రదేశ్లో యుద్ధ విమానాల అత్యవసర ల్యాండింగ్ల కోసం ఎయిర్ స్ట్రిప్ సౌకర్యంతో నిర్మించిన ఎక్స్ప్రెస్వేలలో ఇది నాలుగోది. గతంలో ఆగ్రా-లక్నో ఎక్స్ప్రెస్ వే, పూర్వాంచల్ ఎక్స్ప్రెస్ వే, బుందేల్ఖండ్ ఎక్స్ప్రెస్ వేలపై కూడా ఇలాంటి ఏర్పాట్లు ఉన్నాయి. ఈ పరీక్షల ద్వారా ఎక్స్ప్రెస్ వేల బహుళ ప్రయోజన సామర్థ్యాన్ని, దేశ రక్షణ సంసిద్ధతను ఐఏఎఫ్ బలోపేతం చేసుకుంటోంది.
