మ్యాచ్ విన్నింగ్ ఇన్నింగ్స్ ఆడిన ధోనీ.. హోటల్కు వెళ్లేటప్పుడు కుంటుతూ నడిచిన తలా.. ఆందోళనలో అభిమానులు!
- నిన్న లక్నోతో మ్యాచ్లో అదరగొట్టిన ధోనీ
- కేవలం 11 బంతుల్లోనే 26 పరుగులు బాదిన మహీ
- మ్యాచ్ అనంతరం హోటల్కు తిరిగెళ్లే క్రమంలో నడిచేందుకు ఇబ్బందిపడ్డ వైనం
- ఇందుకు సంబంధించిన వీడియో బయటకు రావడంతో ఆందోళనలో ఫ్యాన్స్
ఇక మ్యాచ్ అనంతరం సీఎస్కే జట్టు లక్నోలో తాము బస చేసిన హోటల్కు తిరిగి వెళ్లింది. అక్కడ వారికి ఘన స్వాగతం లభించింది. అయితే, ధోనీ మాత్రం హోటల్ లాబీ ప్రాంతంలో కుంటుతూ కనిపించాడు. మహీ నడిచేందుకు ఇబ్బంది పడుతూ కనిపించాడు. ఇందుకు సంబంధించిన వీడియో సోషల్ మీడియాలో వైరల్గా మారింది. దాంతో ఈ విషయమై అభిమానులు ఆరా తీస్తున్నారు.
రెండేళ్ల కిందట ధోనీ ఎడమ మోకాలికి శస్త్రచికిత్స జరిగిన విషయం తెలిసిందే. ఆ గాయం మళ్లీ తిరగబెట్టినట్లు ఉందని, ఆయన త్వరగా కోలుకోవాలని అభిమానులు కామెంట్లు చేస్తున్నారు.
