రామగిరి ఎస్సైపై మాజీ ఎమ్మెల్యే తోపుదుర్తి సంచలన ఆరోపణలు
- లింగమయ్య హత్యకు ఆయనే కారణమన్న తోపుదుర్తి
- జగన్ పై ఎస్సై వ్యాఖ్యలకు ఖండన
- సీఎం చంద్రబాబు మెప్పుకోసమే జగన్ పై విమర్శలు చేశారని ఫైర్
పోలీసుల బట్టలూడదీస్తామన్న వైఎస్ జగన్ వ్యాఖ్యలపై రాష్ట్రవ్యాప్తంగా విమర్శలు వ్యక్తమవుతుండగా.. మాజీ ఎమ్మెల్యే తోపుదుర్తి మాత్రం జగన్ ను సమర్థించారు. చంద్రబాబు మెప్పు కోసం కాకుండా ప్రజల కోసం పని చేయాలని చెప్పడం తప్పెలా అవుతుందని ప్రశ్నించారు. పోలీసులపై చంద్రబాబు చేసిన వ్యాఖ్యలు కనిపించవా అని ప్రశ్నించారు. వైసీపీ కార్యకర్త హత్యకు గురైతే ఆ కుటుంబాన్ని పరామర్శించేందుకు జగన్ వచ్చారని, ఈ పర్యటనకు పోలీసులు ఆంక్షలు ఎందుకు పెట్టారని తోపుదుర్తి నిలదీశారు.
