తల్లిదండ్రులు విడాకులు తీసుకోవడంపై ఏఆర్ రెహమాన్ కుమారుడు, కూతురి స్పందన

ప్రముఖ సినీ సంగీత దర్శకుడు, ఆస్కార్ అవార్డు విజేత ఏఆర్ రెహమాన్, ఆయన భార్య విడిపోయిన సంగతి తెలిసిందే. పరస్పర అంగీకారంతో వీరిద్దరూ విడాకులు తీసుకున్నారు. 29 ఏళ్ల వైవాహిక బంధానికి ముగింపు పలికారు. ఒకరిపై మరొకరికి గాఢమైన ప్రేమ ఉన్నప్పటికీ... ఉద్రిక్తతలు, ఇబ్బందులు వారి మధ్య దూరాన్ని సృష్టించాయని రెహమాన్ భార్య సైరా బాను తరపు లాయర్ వందనా షా తెలిపారు. 

తమ తల్లిదండ్రులు విడిపోతుండటంపై వారి కుమారుడు అమీన్, కూతురు రహిమా స్పందించారు. ఈ కఠిన సమయంలో ప్రతి ఒక్కరూ తమ గోప్యతను గౌరవించాలని అమీన్ కోరారు. మీరు అర్థం చేసుకున్నందుకు ధన్యవాదాలు అని ట్వీట్ చేశారు. రహిమా స్పందిస్తూ... ఈ విషయంలో గోప్యత పాటిస్తూ, గౌరవిస్తున్నందుకు అందరికీ ధన్యవాదాలు అని పోస్ట్ చేశారు.