మేం నలుగురం అంటూ రోహిత్ శర్మ పోస్ట్

మేం నలుగురమయ్యామంటూ టీమిండియా కెప్టెన్ రోహిత్ శర్మ సోషల్ మీడియాలో 'ఫ్యామిలీ' అని రాసి ఉన్న ఫొటోను షేర్ చేశాడు. రోహిత్ శర్మ భార్య రితికా సజ్దే నిన్న మగబిడ్డకు జన్మనిచ్చింది. ఈ శుభవార్తను ఆయన అభిమానులతో పంచుకున్నాడు. రోహిత్ శర్మ-రితిక దంపతులకు సమైరా అనే కూతురు ఉంది. ఇప్పుడు వారికి పుత్రోదయం అయింది.

2015 డిసెంబర్ 13న వీరి పెళ్లి జరిగింది. వీరిది ప్రేమ వివాహం. 2018 డిసెంబర్ 30న వీరి జీవితంలోకి సమైరా వచ్చింది. అప్పుడు బోర్డర్-గవాస్కర్ ట్రోఫీ సమయంలో ఆడకూతురు జన్మించింది. ఇప్పుడు ఆస్ట్రేలియాతో ఐదు టెస్టుల సిరీస్ కోసం టీమిండియా ఆ దేశానికి చేరుకుంది. భార్య రెండో కాన్పు నేపథ్యంలో రోహిత్ శర్మ భారత్‌లోనే ఉండిపోయాడు. టీమిండియా ప్లేయర్లు సూర్య కుమార్ యాదవ్, సంజు శాంసన్, తిలక్ వర్మ... రోహిత్ శర్మకు శుభాకాంక్షలు చెప్పారు.