తిరుమల జపాలి తీర్థంలో అపశ్రుతి... వీడియో ఇదిగో!
తిరుమల క్షేత్రంలోని జపాలి తీర్థంలో అపశ్రుతి చోటు చేసుకుంది. ఓ భక్తురాలిపై చెట్టు కొమ్మ విరిగిపడడంతో ఆమె కుప్పకూలింది. బెంగళూరుకు చెందిన ఉమారాణి అనే భక్తురాలు తిరుమల శ్రీవారి దర్శనం అనంతరం కుటుంబ సభ్యులతో కలిసి జపాలి తీర్థంలోని ఆంజనేయస్వామిని దర్శించుకోవడానికి వచ్చారు. ఆమె ఆలయంలోకి వెళుతుండగా, ఓ చెట్టు కొమ్మ ఉన్నట్టుండి విరిగి ఆమెపై పడింది. దాంతో ఉమారాణి తీవ్రంగా గాయపడ్డారు. ఆమెకు తిరుమలలోని అశ్విని ఆసుపత్రిలో ప్రాథమిక చికిత్స అందించి, మెరుగైన వైద్యం కోసం తిరుపతి బర్డ్ ఆసుపత్రికి తరలించారు. ఆమెకు నడుం విరిగినట్టుగా భావిస్తున్నారు.
