Police Vaari Heccharika: శరవేగంగా పాటల చిత్రీకరణ జరుపుకొంటున్న ‘పోలీసువారి హెచ్చరిక’

‘నల్లపూసలు’ ఫేం బాబ్జీ దర్శకత్వంలో రూపొందుతున్న ‘పోలీసు వారి హెచ్చరిక’ మూవీ శరవేగంగా చిత్రీకరణ జరుపుకుంటోంది. ప్రస్తుతం పాటల చిత్రీకరణ జరుపుకొంటున్న ఈ మూవీని తూలికా తనిష్క్ క్రియేషన్స్ పతాకంపై బెల్లి జనార్దన్ నిర్మిస్తున్నారు. అఖిల్ సన్నీ , అజయ్ ఘోష్ , రవి కాలే , సాయాజీ షిండే, శుభలేఖ సుధాకర్ , కాశీ విశ్వనాథ్ , సంజయ్ నాయర్, జబర్దస్త్ వినోద్ , జబర్దస్త్ పవన్ , హిమజ , జయ వాహిని , శంకరాభరణం తులసి, మేఘనా ఖుషి , రుచిత తదితరులు నటిస్తున్నారు. 

పాటల చిత్రీకరణ సందర్భంగా దర్శకుడు బాబ్జీ మాట్లాడుతూ.. సినిమాలోని పాటలను అరకులోయ, కాఫీవనం, ఆపిల్ రిసార్ట్స్, యారాడ బీచ్, నకిరేకల్ ల్యాండ్స్ వంటి లొకేషన్లలో చిత్రీకరించినట్టు తెలిపారు. ప్రైవేట్ సాంగ్స్‌కు సంగీతాన్ని సమకూర్చే ‘గజ్వేల్ వేణు’ను ఈ సినిమా ద్వారా చిత్ర పరిశ్రమకు పరిచయం చేస్తున్నట్టు చెప్పారు. నిర్మాత బెల్లి జనార్ధన్ మాట్లాడుతూ..  రెండు రోజుల్లో పాటల చిత్రీకరణ పూర్తి అవుతుందని, ఆ వెంటనే నల్గొండలో క్లైమాక్స్ సన్నివేశాల చిత్రీకరణతో షూటింగ్ మొత్తం పూర్తవుతుందని తెలిపారు.