Love Mocktail2: ఆకట్టుకుంటున్న కన్నడ బ్లాక్‌బస్టర్ ‘లవ్ మాక్‌టెయిల్ 2‘లోని ‘నీదేలే నీదేలే జన్మ’ సాంగ్

కన్నడ దర్శకుడు, నటుడు డార్లింగ్ కృష్ణ నటించిన ‘లవ్ మాక్‌టెయిల్ 2’ నుంచి తాజాగా విడుదలైన ‘నీదేలే నీదేలే జన్మ’ సాంగ్ ఆకట్టుకునేలా ఉంది. ఈ పాటకు గురుచరణ్ లిరిక్స్ అందించగా సురేంద్రనాథ్ ఆలపించారు. నకుల్ అభయాన్కర్ అందించిన సంగీతం వినసొంపుగా ఉంది. 2020లో వచ్చి సూపర్ డూపర్ హిట్ సొంతం చేసుకున్న రొమాంటిక్ డ్రామా లవ్ మాక్‌టెయిల్‌కు కొనసాగింపుగా వచ్చిన లవ్ మాక్‌టెయిల్ 2 కూడా బ్లాక్ బస్టర్‌గా నిలిచింది.  ఉత్తమ కన్నడ చిత్రంగా అవార్డు దక్కించుకోవడంతోపాటు పలు విభాగాల్లోనూ అవార్డులు సొంతం చేసుకున్న ఈ సినిమాను తెలుగులో కంచికామాక్షి కోల్‌కతా కాళీ క్రియేషన్స్ పతాకంపై విడుదల చేస్తున్నారు. 

ఈ సందర్భంగా నిర్మాత ఆర్ కృష్ణ మాట్లాడుతూ.. కన్నడ బ్లాక్‌బస్టర్ హిట్‌గా నిలిచిన ఈ సినిమాను వేసవి సెలవుల్లో తెలుగు ప్రేక్షకుల ముందుకు తీసుకొస్తున్నట్టు చెప్పారు. డార్లింగ్ కృష్ణ నటిస్తూ దర్శకత్వం వహించిన ఈ సినిమాకు సంబంధించిన రెండో పాటను నేడు విడుదల చేసినట్టు తెలిపారు. తెలుగు ప్రేక్షకులు కూడా ఈ సినిమాకు ఘన విజయం అందిస్తారని ఆకాంక్షించారు. కాగా, ఇందులో డార్లింగ్ కృష్ణ తరపున మిలిన నాగరాజ్ నటించారు.