Electoral Bonds: ఎలక్టోరల్ బాండ్ల వివరాలను బహిర్గతం చేసిన కేంద్ర ఎన్నికల సంఘం

దేశ అత్యున్నత న్యాయస్థానం సుప్రీంకోర్టు ఆదేశాల మేరకు స్టేట్ బ్యాంక్ ఆఫ్ ఇండియా (ఎస్బీఐ) ఎలక్టోరల్ బాండ్ల వివరాలను కేంద్ర ఎన్నికల సంఘానికి అందించడం తెలిసిందే. ఆయా పార్టీల ఎలక్టోరల్ బాండ్ల వివరాలను కేంద్ర ఎన్నికల సంఘం (ఈసీఐ) నేడు బహిర్గతం చేసింది.  

సుప్రీం కోర్టు ఆదేశాలతో ఎస్బీఐ ఈ నెల 11న ఎలక్టోరల్ బాండ్ల వివరాలను  తమకు సమర్పించిందని ఈసీఐ వెల్లడించింది. ఆ వివరాలను వెబ్ సైట్ లోకి అప్ లోడ్ చేశామని, https://www.eci.gov.in/candidate-politicalparty లింకు ద్వారా ఎలక్టోరల్ బాండ్ల వివరాలను తెలుసుకోవచ్చని ఈసీఐ ఓ ప్రకటనలో తెలిపింది.

ఎక్కడ ఎలా ఉన్నది అలా ప్రాతిపదికన... ఎస్బీఐ ఏ వివరాలు అయితే సమర్పించిందో ఆ వివరాలనే బహిర్గతం చేస్తున్నామని స్పష్టం చేసింది. ఈ అంశంలో తాము పూర్తి పారదర్శకంగా వ్యవహరిస్తున్నట్టు పేర్కొంది.