Lambasingi: మార్చి 15న థియేటర్లలోకి వస్తున్న 'లంబసింగి'

భరత్ రాజ్, 'బిగ్ బాస్' ఫేమ్ దివి జంటగా నవీన్ గాంధీ దర్శకత్వంలో రూపుదిద్దుకున్న చిత్రం 'లంబసింగి'. 'ఏ ప్యూర్ లవ్ స్టోరీ' అనేది ఈ చిత్రానికి క్యాప్షన్. దర్శకుడు కల్యాణ్ కృష్ణ సమర్పణలో కాన్సెప్ట్ ఫిలింస్ బ్యానర్ పై ఆనంద్.టి ఈ చిత్రాన్ని నిర్మించారు. 

పోస్ట్ ప్రొడక్షన్ పనులు పూర్తి చేసుకున్న లంబసింగి చిత్రం విడుదలకు సిద్ధమైంది. ఈ చిత్రం మార్చి 15న ప్రేక్షకుల ముందుకు వస్తోంది. ఈ సినిమాతో భరత్ రాజ్ కథానాయకుడిగా పరిచయం అవుతున్నాడు. 

ఇటీవల విడుదల చేసిన ఈ సినిమా మొదటిపాట "నచ్చేసిందే నచ్చేసిందే…"  ప్రేక్షకుల నుండి మంచి స్పందన అందుకుంది. తాజాగా ఈ సినిమా నుండి 'వయ్యారి గోదారి' సాంగ్ ను చిత్ర యూనిట్ విడుదల చేసింది. సంగీత దర్శకుడు ఆర్ఆర్ ధ్రువన్ బాణీలకు కాసర్ల శ్యామ్ సాహిత్యం అందించారు. జావెద్ అలీ ఆలపించారు. 

ఈ చిత్రంలో వంశీ రాజ్, కిట్టయ్య, నిఖిల్ రాజ్, జనార్దన్, అనురాధ, మాధవి, నవీన్ రాజ్, ప్రమోద్, రమణ, పరమేష్ తదితరులు ఇతర పాత్రలు పోషించారు.