Dhanush: ఇక్కడ కూడా ఇద్దరు హీరోల మధ్య పోటీ తప్పలేదే!

తమిళనాట ధనుశ్ కి ఉన్న క్రేజ్ గురించి ప్రత్యేకంగా చెప్పుకోవలసిన పని లేదు. కథా పరంగా .. పాత్ర పరంగా .. లుక్ పరంగా ఎప్పటికప్పుడు కొత్త ప్రయోగాలను చేస్తూ ధనుశ్ ముందుకు వెళుతున్నాడు. ఇక అంత కాకపోయినా శివకార్తికేయన్ కి కూడా మంచి ఇమేజ్ ఉంది. ఆయన ఖాతాలో కూడా 100 కోట్లు కొల్లగొట్టిన సినిమాలు ఉన్నాయి. అలాంటి ఈ ఇద్దరు హీరోలు ఈ నెలలో .. ఒకే రోజున తమ సినిమాలతో పోటీ పడ్డారు. ధనుశ్ హీరోగా చేసిన 'కెప్టెన్ మిల్లర్' ఈ నెల 12వ తేదీన థియేటర్లకు వచ్చింది. సెంథిల్ త్యాగరాజన్ నిర్మించిన ఈ సినిమాకి, అరుణ్ మాథేశ్వరన్ దర్శకత్వం వహించాడు. ప్రియాంక అరుళ్ మోహన్ కథానాయికగా నటించింది. ఇక ఇదే రోజున శివ కార్తికేయన్ హీరోగా రూపొందిన 'అయలాన్' సినిమా కూడా థియేటర్స్ కి వచ్చింది. రవికుమార్ డైరెక్ట్ చేసిన ఈ సినిమాలో రకుల్ ప్రీత్ కథానాయికగా మెరిసింది. 

ఈ రెండు సినిమాలు కూడా కంటెంట్ పరంగా పూర్తి వైవిధ్యభరితమైనవే. ధనుశ్ కి క్రేజ్ ఎక్కువగా ఉన్నప్పటికీ, ఆయన సినిమాకంటే 'అయలాన్' ఎక్కువ వసూళ్లతో దూసుకుపోతోంది. అయితే 'అయలాన్' లో గ్రహాంతరవాసి రూపకల్పనపై విమర్శలను కూడా ఈ సినిమా ఎదుర్కొంటూనే ఉంది. అలాంటి ఈ రెండు సినిమాలు తెలుగులోనూ ఒకే రిలీజ్ డేట్ ను సెట్ చేసుకుని ఇక్కడ కూడా పోటీకి దిగుతుండటం విశేషం. రేపు ఈ రెండు సినిమాలు ఇక్కడ రిలీజ్ అవుతున్నాయి.