Sai Dharam Tej: నేడు లావణ్య త్రిపాఠి పుట్టినరోజు... ఆసక్తికర ఫొటో పంచుకున్న సాయిధరమ్ తేజ్

టాలీవుడ్ అందాల భామ లావణ్య త్రిపాఠి ఇటీవలే మెగా ప్రిన్స్ వరుణ్ తేజ్ తో మూడు ముళ్ల బంధంలోకి అడుగుపెట్టిన సంగతి తెలిసిందే. నవంబరు 1న ఇటలీలోని టస్కనీలో ఘనంగా పెళ్లి చేసుకున్న ఈ లవ్ జంట ప్రస్తుతం హనీమూన్ ఎంజాయ్ చేస్తోంది. 

కాగా, ఇవాళ (డిసెంబరు 16) లావణ్య త్రిపాఠి పుట్టినరోజు జరుపుకుంటోంది. ఈ నేపథ్యంలో, మెగా హీరో సాయిధరమ్ తేజ్ ఆమెకు వినూత్న రీతిలో ఆసక్తికర ఫొటోతో పుట్టినరోజు శుభాకాంక్షలు తెలిపాడు. 

లావణ్య, సాయిధరమ్ తేజ్, వరుణ్ తేజ్ ఈ ఫొటోలో ఉన్నారు. లావణ్య చిరునవ్వులు చిందిస్తుండగా, సాయిధరమ్ తేజ్ ఆమె వైపు తదేకంగా చూస్తుండగా, వరుణ్ తేజ్ కోరచూపులు చూస్తుండడం గమనించవచ్చు. ఈ ఫొటోలోని సీన్ కు అనుగుణంగా సాయిధరమ్ తేజ్ ఆసక్తికరమైన స్క్రిప్టు కూడా జత చేశాడు.