Prabhas: మాస్ ఆడియన్స్ ను ఊరిస్తున్న సలార్ .. దేవర .. పుష్ప 2

మాస్ ఆడియన్స్ ను ఊరిస్తున్న పాన్ ఇండియా సినిమాల జాబితాలో ఇప్పుడు 'సలార్' .. 'దేవర' .. 'పుష్ప 2' సినిమాలు కనిపిస్తున్నాయి.  ప్రభాస్ హీరోగా ప్రశాంత్ నీల్ రూపొందిస్తున్న ఈ సినిమా 'బొగ్గుగనుల' నేపథ్యంలో కొనసాగుతుంది. శ్రుతి హాసన్ కథానాయికగా నటించిన ఈ సినిమా, ఈ నెల 22వ తేదీన అత్యధిక థియేటర్లలో విడుదల కానుంది. ఇక 'దేవర' విషయానికివస్తే ఈ కథ 'సముద్రం' నేపథ్యంలో సాగుతుంది. కొరటాల దర్శకత్వంలో రూపొందుతున్న ఈ సినిమా ద్వారా జాన్వీ కపూర్ పరిచయమవుతోంది. అనిరుధ్ సంగీతాన్ని సమకూర్చుతున్న ఈ సినిమా, ఏప్రిల్ 5వ తేదీన విడుదల కానుంది. ఇక బన్నీ - సుకుమార్ కాంబినేషన్లోని 'పుష్ప 2' ఫారెస్టు నేపథ్యంలో ఇప్పటికే చాలావరకూ చిత్రీకరణను జరుపుకుంది. వచ్చే ఆగస్టు 15న రిలీజ్ కానుంది. 

ఈ మూడు సినిమాల కథా నేపథ్యం వేరైనప్పటికీ, ఎమోషన్స్ తో కూడిన మాస్ యాక్షన్ తో ముందుకు వెళ్లనున్నాయి. భారీ యాక్షన్ సీన్స్ తో మంత్ర' ముగ్ధులను చేయనున్నాయి. 'పుష్ప' మాదిరిగానే 'సలార్' .. 'దేవర' రెండో పార్టును కలిగి ఉన్నాయి. ఈ మూడు సినిమాలు కూడా ఐదు భాషల్లో విడుదలవుతుండటం మరో విశేషం.