DK Shivakumar: ముఖ్యమంత్రిని ఎంపిక చేసే బాధ్యత మల్లికార్జున ఖర్గేకు అప్పగింత: డీకే శివకుమార్

ముఖ్యమంత్రి అభ్యర్థిని ఎంపిక చేసే బాధ్యతను ఏఐసీసీ అధ్యక్షుడు మల్లికార్జున ఖర్గేకు అప్పగించామని ఏఐసీసీ పరిశీలకుడు, కర్ణాటక ఉప ముఖ్యమంత్రి డీకే శివకుమార్ తెలిపారు. గచ్చిబౌలిలోని ఓ హోటల్‌లో సీఎల్పీ సమావేశం జరిగింది. ఈ సందర్భంగా సీఎల్పీని ఎంపిక చేసే బాధ్యతను అధిష్ఠానానికి అప్పగిస్తూ పార్టీ నుంచి గెలిచిన 64 మంది ఎమ్మెల్యేలు నిర్ణయం తీసుకున్నారు. ఈ మేరకు వారు తీర్మానం చేశారు.

అనంతరం డీకే శివకుమార్ మాట్లాడుతూ... కాంగ్రెస్ పార్టీకి అధికారం కట్టబెట్టిన ప్రజలకు కృతజ్ఞతలు తెలుపుతూ తీర్మానం చేశామన్నారు. సీఎల్పీ నేత ఎంపిక బాధ్యతను ఖర్గేకు ఇవ్వాలని ఎమ్మెల్యేలు చెప్పారని తెలిపారు. ఈ మేరకు తీర్మానం చేశామన్నారు. ఖర్గే నిర్ణయానికి కట్టుబడతామని ఎమ్మెల్యేలు చెప్పారన్నారు. కాగా, సీఎల్పీ సమావేశం దాదాపు గంటపాటు జరిగింది. ఈ సమావేశంలో డీకే శివకుమార్, దేవదాస్ మున్షీ, జార్జ్, అజయ్, మురళీధరన్ హాజరయ్యారు.