Balakrishna: బాలయ్య సరసన ఆ ఇద్దరు భామలకు ఛాన్స్?

బాలకృష్ణ ఇప్పుడు వరుస విజయాలతో దూసుకుపోతున్నారు. అవి కూడా సాధారణమైన విజయాలేం కాదు .. సంచలన విజయాలు. 'అఖండ' .. 'వీరసింహారెడ్డి' .. 'భగవంత్ కేసరి' సినిమాలతో బాలకృష్ణ హ్యాట్రిక్ హిట్ అందుకున్నారు. ఆ తరువాత కూడా ఎంతమాత్రం ఆలస్యం చేయకుండా ఆయన మరో ప్రాజెక్టును లైన్లో పెట్టారు. 

బాలకృష్ణ తన నెక్స్ట్ సినిమాను బాబీ దర్శకత్వంలో చేయనున్నారు. కెరియర్ పరంగా ఇది ఆయనకు 109వ సినిమా. ప్రస్తుతం ఈ సినిమాకి సంబంధించిన సన్నాహాలు చకచకా జరిగిపోతున్నాయి. సితార నాగవంశీ నిర్మిస్తున్న ఈ సినిమా, యాక్షన్ .. ఎమోషన్స్ ను కలుపుకుంటూ బాలయ్య మార్కులోనే సాగుతుందనే టాక్ వినిపిస్తోంది. 

ఈ సినిమాలో కథానాయికలుగా ఎవరిని తీసుకుంటారా అనేది అందరిలో ఆసక్తికరంగా మారింది. ఈ నేపథ్యంలోనే త్రిష - మీనాక్షి చౌదరి పేర్లు తెరపైకి వచ్చాయి. గతంలో బాలయ్యతో కలిసి త్రిష 'లయన్' సినిమా చేసింది. ఇక ఈ సినిమాకి సంబంధించి ఈ విషయంపై అధికారిక ప్రకటన వెలువడే అవకాశం ఉంది.