Thummala: ఖమ్మం ఎన్నికపై కోట్లలో బెట్టింగులు సాగుతున్నాయి: తుమ్మల నాగేశ్వరరావు
- తనకు, రేణుకకు రాజకీయ జన్మను ఇచ్చింది ఎన్టీఆరే అన్న తుమ్మల
- ఖమ్మంలో బీఆర్ఎస్ అరాచకాలు పెరిగిపోయాయని మండిపాటు
- గోదావరి జలాలతో ఉమ్మడి ఖమ్మం జిల్లాను సస్యశ్యామలం చేయడమే తన లక్ష్యమని వ్యాఖ్య
తనకు, మాజీ ఎంపీ రేణుకా చౌదరికి రాజకీయ జన్మను ఇచ్చింది దివంగత ఎన్టీఆరే అని మాజీ మంత్రి, కాంగ్రెస్ నేత తుమ్మల నాగేశ్వరరావు తెలిపారు. ఎన్టీఆర్ ఆశీస్సులతోనే తాము ఇంతకాలం ప్రజా జీవితంలో ఉన్నామని చెప్పారు. తనను మొదటి సారే వెంగళరావు కుటుంబంపై ఎన్టీఆర్ నిలబెట్టారని తెలిపారు. కురవి మండలం బలపాల గ్రామస్థులు నిర్వహించిన ఆత్మీయ సమావేశానికి తుమ్మల హాజరయ్యారు. ఈ సందర్భంగా ఆయన మాట్లాడుతూ... తన రాజకీయ జీవితంలో బలపాల గ్రామస్థులు ఎప్పుడూ అండగా ఉన్నారని చెప్పారు.
