'ఎల్లో'రా శిల్పంలా మెరిసిన కీర్తి సురేశ్.. లేటెస్ట్ పిక్స్!

కీర్తి సురేశ్ కి యూత్ లో మంచి క్రేజ్ ఉంది. తెలుగు .. తమిళ భాషల్లో స్టార్ హీరోయిన్ గా ఆమె చక్రం తిప్పుతోంది. ఈ ఏడాదిలో తెలుగులో ఆమె చేసిన 'దసరా' భారీ వసూళ్లను రాబట్టింది. ఆ సినిమాలో డీ గ్లామర్ చేసిన కీర్తి సురేశ్, బారాత్ డాన్స్ బీట్ తో మాస్ ఆడియన్స్ తో హుషారెత్తించింది. ఇక  తమిళంలో కీర్తి సురేశ్ చేసిన 'మామన్నన్' సినిమా కూడా ఆమెకి అక్కడ మంచి పేరు తెచ్చిపెట్టింది. ఆ సినిమాలో ఉదయనిధి స్టాలిన్ జోడీగా ఆమె నటించింది. ఆ సినిమా ఆమెకి సక్సెస్ తో పాటు ప్రశంసలను తెచ్చిపెట్టింది. ప్రస్తుతం ఆమె చేతిలో ఓ నాలుగు తమిళ సినిమాలు ఉన్నాయి. తెలుగులో కూడా కొన్ని ప్రాజెక్టులు చర్చల దశలలో ఉన్నట్టుగా తెలుస్తోంది. ఈ నేపథ్యంలో కీర్తి సురేశ్ నుంచి వచ్చిన లేటెస్ట్ పిక్స్ ఆమె అభిమానులను మరింతగా ఆకట్టుకుంటున్నాయి. ఎల్లో శారీలో ఆమె అందంగా విరిసిన తీరు కుర్ర మనసులను కొల్లగొట్టేస్తోంది. విశాలమైన కళ్లతో విన్యాసాలు చేస్తూ, నవ్వుల మంత్రం వేస్తోంది.