Nederlands: వరల్డ్ కప్: టాస్ గెలిచి బ్యాటింగ్ ఎంచుకున్న నెదర్లాండ్స్... కానీ...!
- వరల్డ్ కప్ లో నేడు రెండు మ్యాచ్ లు
- రెండో మ్యాచ్ లో బంగ్లాదేశ్ × నెదర్లాండ్స్
- టాస్ గెలిచి బ్యాటింగ్ ఎంచుకున్న నెదర్లాండ్స్
వరల్డ్ కప్ లో ఇవాళ రెండు మ్యాచ్ లు జరుగుతున్నాయి. రెండో మ్యాచ్ లో బంగ్లాదేశ్, నెదర్లాండ్స్ తలపడుతున్నాయి. కోల్ కతాలోని ప్రఖ్యాత ఈడెన్ గార్డెన్స్ మైదానం ఈ మ్యాచ్ కు వేదికగా నిలుస్తోంది. టాస్ గెలిచిన నెదర్లాండ్స్ బ్యాటింగ్ ఎంచుకుంది.
అయితే ఆ జట్టు 107 పరుగులకే 5 వికెట్లు కోల్పోయి కష్టాల్లో పడింది. ఆ దశలో కెప్టెన్ స్కాట్ ఎడ్వర్డ్స్, సైబ్రాండ్ ఎంగెల్ బ్రెక్ట్ జోడీ సమయోచితంగా ఆడడంతో డచ్ జట్టు కోలుకుంది. ఎడ్వర్డ్స్ అర్ధసెంచరీ సాధించాడు.
ప్రస్తుతం నెదర్లాండ్స్ స్కోరు 41 ఓవర్లలో 5 వికెట్లకు 161 పరుగులు. ఎడ్వర్డ్స్ 55, ఎంగెల్ బ్రెక్ట్ 24 పరుగులతో ఆడుతున్నారు. బంగ్లాదేశ్ బౌలర్లలో తస్కిన్ అహ్మద్ 2, షోరిఫుల్ ఇస్లామ్ 1, కెప్టెన్ షకీబ్ అల్ హసన్ 1, ముస్తాఫిజూర్ రెహ్మాన్ 1 వికెట్ తీశారు.
