Rajinikanth: నా గుండె ఆనందంతో కొట్టుకుంటోంది: రజనీకాంత్

'జైలర్' సినిమాతో రజనీకాంత్ మరో బ్లాక్ బస్టర్ హిట్ కొట్టారు. ఇప్పుడు అదే ఊపుతో తన 170వ సినిమాకు శ్రీకారం చుట్టారు. 'జైభీమ్' సినిమాను తెరకెక్కించిన దర్శకుడు టీజే జ్ఞానవేల్ తెరకెక్కిస్తున్న ఈ సినిమా షూటింగ్ ఇటీవలే ప్రారంభమయింది. కేరళలోని తిరువనంతపురంలోని అగ్రికల్చరల్ యూనివర్శిటీలో ఒక షెడ్యూల్ ను పూర్తి చేసుకుంది. ప్రస్తుతం ఈ సినిమా షూటింగ్ తమిళనాడులోని తిరునల్వేలిలో ప్రత్యేకంగా వేసిన సెట్లో జరుగుతోంది. తాజాగా ఈ సినిమాకు సంబంధించిన ఒక కీలక అప్టేడ్ ను రజనీకాంత్ వెల్లడించారు. 

ఈ చిత్రంలో బాలీవుడ్ స్టార్ అమితాబ్ బచ్చన్ కూడా నటిస్తున్నారు. తాజాగా షూటింగ్ లో ఆయన జాయినయ్యారు. ఈ విషయాన్ని ట్విట్టర్ ద్వారా రజనీకాంత్ తెలియజేస్తూ... తన మెంటార్ అమితాబ్ బచ్చన్ తో 33 ఏళ్ల తర్వాత మళ్లీ కలిసి పని చేస్తున్నానని చెప్పారు. నా హృదయం ఆనందంతో కొట్టుకుంటోందని అన్నారు.