Vishnu Vardhan Reddy: మతబోధకులకు గ్రామస్తుల దేహశుద్ధి... వీడియో పంచుకున్న విష్ణువర్ధన్ రెడ్డి

బీజేపీ రాష్ట్ర ఉపాధ్యక్షుడు ఎస్.విష్ణువర్ధన్ రెడ్డి ఎక్స్ లో ఆసక్తికర వీడియో పంచుకున్నారు. కొందరు వ్యక్తులకు గ్రామస్తులు దేహశుద్ధి చేస్తుండడాన్ని ఆ వీడియోలో చూడొచ్చు. ఆ వ్యక్తులు చేతులు జోడించి దండాలు పెడుతున్నా గానీ, ఆ గ్రామస్తులు పట్టించుకోకుండా తీవ్ర ఆగ్రహంతో వారిపై చెప్పులతో దాడికి దిగారు. ఆ వీడియో గురించి విష్ణువర్ధన్ రెడ్డి వివరించారు. మిషనరీలు (మతబోధకులు)గా చెప్పుకుంటున్న కొందరు వ్యక్తులు ఓ గ్రామానికి వెళ్లి మత బోధ చేసేందుకు ప్రయత్నించారని వెల్లడించారు. కానీ వారికి సదరు గ్రామస్తుల నుంచి అనూహ్యరీతిలో స్పందన ఎదురైందని తెలిపారు. విష్ణు పంచుకున్న వీడియో పట్ల నెటిజన్లు కూడా తలోరకంగా స్పందిస్తున్నారు.