మా బావ ఎన్టీఆర్ సపోర్ట్ మరిచిపోలేను: 'మ్యాడ్' ప్రీ రిలీజ్ ఈవెంట్ లో నార్నె నితిన్

యూత్ ను దృష్టిలో పెట్టుకుని సితార బ్యానర్ పై కల్యాణ్ శంకర్ రూపొందించిన 'మ్యాడ్' సినిమా, ఈ నెల 6వ తేదీన ప్రేక్షకుల ముందుకు రానుంది. ఈ నేపథ్యంలో ఈ సినిమా ప్రీ రిలీజ్ ఈవెంటును నిర్వహించారు. దుల్కర్ సల్మాన్ - శ్రీలీల - సిద్ధు జొన్నలగడ్డ ముఖ్య అతిథులుగా హాజరయ్యారు.

ఈ సినిమాతో ఎన్టీఆర్ బావమరిది నార్నె నితిన్ హీరోగా పరిచయమవుతున్నాడు. వేదికపై ఆయన మాట్లాడుతూ . "కల్యాణ్ శంకర్ ఏ రోజూ మమ్మల్ని టెన్షన్ పెట్టలేదు. నవ్వుతూ .. నవ్విస్తూ షూటింగు చేస్తూ వెళ్లారు. థియేటర్లో కూడా అలాగే మీ అందరినీ నవ్విస్తుందనే నమ్మకం ఉంది" అని అన్నాడు. 

ఈ సినిమా మొదలైన దగ్గర నుంచి నాకు .. ఈ సినిమా టీమ్ కి కూడా మా బావ ఎన్టీఆర్ సపోర్ట్ ఎంతో ఉంది. ఆయన సపోర్టు తోనే ఈ రోజున మాకు ఇంతమంది బ్లెస్సింగ్స్ దొరుకుతున్నాయి. అందుకు బావకి నేను థ్యాంక్స్ చెబుతున్నాను. భీమ్స్ పాటలు ఈ సినిమాకి హైలైట్ గా నిలుస్తాయి" అని చెప్పాడు.