KTR: మహిళా రిజర్వేషన్ బిల్లును స్వాగతిస్తున్నా, నా సీటు పోయినా సరే: కేటీఆర్
- మాదాపూర్‌లో ఇంటర్నేషనల్ టెక్‌పార్క్‌ను ప్రారంభించిన మంత్రి కేటీఆర్
- మహిళా రిజర్వేషన్ బిల్లును సంపూర్ణంగా స్వాగతిస్తున్నట్టు వెల్లడి
- రిజర్వేషన్‌లో భాగంగా తన సీటుపోయినా లెక్కచేయనని స్పష్టీకరణ
మహిళా రిజర్వేషన్ బిల్లును తాను సంపూర్ణంగా స్వాగతిస్తున్నానని తెలంగాణ ఐటీ శాఖ మంత్రి కేటీఆర్ తెలిపారు. మాదాపూర్‌లో ఇంటర్నేషనల్ టెక్‌పార్క్‌ను ప్రారంభించిన అనంతరం ఆయన మీడియాతో మాట్లాడుతూ ఈ వ్యాఖ్యలు చేశారు. ‘‘మహిళా నేతలు చాలా మంది రావాల్సిన అవసరం ఉంది. రిజర్వేషన్‌లో భాగంగా నా సీటు పోతే పోనివ్వండి. మన జీవితాలు చాలా చిన్నవి, నా పాత్ర నేను పోషించాను’’ అని కేటీఆర్ అన్నారు.
