MS Dhoni: ఓ కుర్ర క్రికెటర్ ను ఎక్కించుకుని బైక్ పై దూసుకెళ్లిన ధోనీ... వీడియో ఇదిగో!

టీమిండియా మాజీ సారథి మహేంద్ర సింగ్ ధోనీ అంతర్జాతీయ క్రికెట్ కు గుడ్ బై చెప్పి చాన్నాళ్లయినా ఇప్పటికీ క్రేజ్ తగ్గలేదు. ధోనీ ఏంచేసినా సోషల్ మీడియాలో వైరల్ అయిపోతుంది. తాజాగా, ఓ యువ క్రికెటర్ ను ఎక్కించుకుని ధోనీ బైక్ రైడింగ్ చేస్తున్న వీడియో సామాజిక మాధ్యమాల్లో సందడి చేస్తోంది. రాంచీ స్టేడియంలో ప్రాక్టీసు ముగించుకున్న ధోనీ... అక్కడే ఉన్న ఓ యువ క్రికెటర్ కు బైక్ పై లిఫ్ట్ ఇచ్చాడు. స్పోర్ట్స్ బైక్... పైగా నడుపుతున్నది లెజెండ్ ధోనీ... ఇక ఆ కుర్ర క్రికెటర్ ఆనందానికి హద్దేముంటుంది చెప్పండి. బైక్ పై వెళుతున్నంత సేపు తన మొబైల్ తో చిత్రీకరించిన ఆ టీనేజర్ ఆ వీడియోను నెట్టింట పంచుకున్నాడు.