Krithi Shetty: వైష్ణవ్ తేజ్ తో కృతి శెట్టి పెళ్లంటూ సోషల్ మీడియాలో ప్రచారం

కన్నడ భామ కృతి శెట్టి తన తొలి చిత్రం 'ఉప్పెన'తోనే సూపర్ హిట్ కొట్టేసింది. ఈ సినిమా బ్లాక్ బస్టర్ కావడంతో ఆమెకు వరుసగా ఆఫర్లు వచ్చాయి. ఆ తర్వాత 'శ్యామ్ సింగరాయ్', 'బంగార్రాజు' సినిమాలు హిట్ అయినా... మిగిలిన చిత్రాలు అంతగా మెప్పించలేక పోయాయి. దీంతో ఆమెకు ఆఫర్లు తగ్గిపోయాయి. ప్రస్తుతం ఆమె చేతిలో ఒక సినిమా మాత్రమే ఉంది. 

మరోవైపు కృతికి సంబంధించి ఓ వార్త సోషల్ మీడియాలో వైరల్ అవుతోంది. త్వరలోనే ఆమె తెలుగింటి కోడలు కాబోతోందనేనే ఆ ప్రచారం. మెగా హీరో వైష్ణవ్ తేజ్, కృతి ప్రేమలో ఉన్నారని, వీరిద్దరూ పెళ్లి చేసుకోబోతున్నారని రూమర్ బాగా స్ప్రెడ్ అవుతోంది. 'ఉప్పెన' చిత్రంలో వీరిద్దరూ జంటగా నటించారు. ఆ సమయంలోనే ఇద్దరి మధ్య ప్రేమ మొదలయిందని చెపుతున్నారు. అయితే ఈ పెళ్లి వార్తలపై కృతి, వైష్ణవ్ ఇద్దరూ ఇంతవరకు స్పందించలేదు. దీంతో, ఈ వార్త నిజమో, కాదో తేలాలంటే వేచి చూడాల్సిందే.