KCR: చాలా రోజుల తర్వాత ఒకే వేదికపై కనిపించనున్న కేసీఆర్, చిన్నజీయర్ స్వామి

తొలి నుంచి కూడా చిన్నజీయర్ స్వామి, కేసీఆర్ లకు చాలా సాన్నిహిత్యం ఉండేది. అయితే ముచ్చింతల్ లో సమతా విగ్రహావిష్కరణ సందర్భంగా చోటుచేసుకున్న పరిణామాల కారణంగా ఇద్దరికీ మధ్య గ్యాప్ వచ్చింది. ఆ తర్వాత ఇద్దరూ కలుసుకోలేదు. చాలా కాలం తర్వాత ఇద్దరూ ఇప్పుడు ఒకే వేదికపై కనిపించనున్నారు. వరంగల్ జిల్లా పాలకుర్తి నియోజకవర్గంలోని వల్మిడిలో సెప్టెంబర్ 4న శ్రీ సీతారామచంద్రస్వామి విగ్రహాల ప్రతిష్ఠాపన కార్యక్రమం జరగనుంది. ఈ కార్యక్రమానికి వీరిద్దరూ హాజరవుతున్నారనే విషయాన్ని మంత్రి ఎర్రబెల్లి తెలిపారు.