Pavan Kalyan: ఈ నెల 25న ఓటీటీ ఫ్లాట్ ఫామ్ పై రెండు బ్లాక్ బస్టర్ మూవీస్!
- ఈ నెల 25న ఓటీటీ సెంటర్స్ లో సందడి
- నెట్ ఫ్లిక్స్ లో 'బ్రో' సినిమా స్ట్రీమింగ్
- అదే రోజున 'ఆహా'లో అందుబాటులోకి 'బేబి'
- ఒక రోజు ముందుగానే అమెజాన్ ప్రైమ్ లో 'స్లమ్ డాగ్ హస్బెండ్'
ఈ శుక్రవారం ఓటీటీ ఫ్లాట్ ఫామ్స్ మీద గట్టిగానే సందడి కనిపించనుంది. ముఖ్యంగా భారీ విజయాలను అందుకున్న రెండు తెలుగు సినిమాలు ఈ వారం ఓటీటీ సెంటర్స్ లోకి దిగుతున్నాయి. ఒకటి 'బేబి' సినిమా అయితే మరొకటి 'బ్రో' మూవీ. ఈ రెండు సినిమాలు జులైలో థియేటర్స్ కి వచ్చినవే. ఓటీటీకి ఎప్పుడు వస్తాయా అని ఆడియన్స్ వెయిట్ చేస్తున్నవే.
సాయిరాజేశ్ దర్శకత్వంలో రూపొందిన 'బేబి' జులై 14వ తేదీన విడుదలైంది. వైష్ణవి చైతన్య .. ఆనంద్ దేవరకొండ .. విరాజ్ ప్రధానమైన పాత్రలను పోషించిన ఈ సినిమాకి, యూత్ నుంచి విశేషమైన స్పందన వచ్చింది. దాదాపు 100 కోట్ల మార్కుకి చేరువగా ఈ సినిమా వెళ్లింది. అలాంటి ఈ సినిమా ఈ నెల 25 నుంచి 'ఆహా'లో స్ట్రీమింగ్ కానుంది.
ఇక పవన్ - సాయితేజ్ కాంబినేషన్లో సముద్రఖని తెరకెక్కించిన 'బ్రో'కి అనూహ్యమైన రెస్పాన్స్ వచ్చింది. త్రివిక్రమ్ స్క్రీన్ ప్లే - మాటలు అందించిన ఈ సినిమా, పవన్ ఫ్యాన్స్ ను హుషారెత్తించింది. తమన్ సంగీతం ఈ సినిమాకి హైలైట్ గా నిలిచింది. ఈ నెల 25 నుంచి తెలుగుతో పాటు తమిళ .. మలయాళ .. కన్నడ .. హిందీ భాషల్లో 'నెట్ ఫ్లిక్స్' లో అందుబాటులోకి రానుంది. ఈ సినిమాలకి ఒక రోజు ముందే, అమెజాన్ ప్రైమ్ లో 'స్లమ్ డాగ్ హస్బెండ్' స్ట్రీమింగ్ కానుంది.
