Kangana Ranaut: ‘చంద్రముఖి 2’ నుంచి ‘స్వాగతాంజలి’ లిరికల్ సాంగ్ రిలీజ్!

స్టార్ కొరియోగ్రాఫ‌ర్‌, డైరెక్ట‌ర్‌, యాక్ట‌ర్  రాఘవ లారెన్స్ హీరోగా న‌టిస్తోన్న భారీ బ‌డ్జెట్ మూవీ ‘చంద్రముఖి 2’. బాలీవుడ్ స్టార్ హీరోయిన్ కంగ‌నా ర‌నౌత్ టైటిల్ పాత్ర‌లో నటించారు. సీనియర్ డైరెక్ట‌ర్ పి.వాసు ఈ చిత్రాన్ని తెర‌కెక్కించారు. లైకా ప్రొడ‌క్ష‌న్స్ వారు ఈ సినిమాను నిర్మించారు. శుక‌వ్రారం ఈ సినిమా నుంచి ‘స్వాగ‌తాంజ‌లి...’ అనే లిరికల్ పాటను మేకర్స్ విడుదల చేశారు. ఇందులో రాజనర్తకిగా కంగనా రనౌత్ డాన్స్ చేయటాన్ని చూడొచ్చు. 

ఇక సినిమా కోసం వేసిన సెట్స్, కంగనా రనౌత్, రాఘవ లారెన్స్ కాస్ట్యూమ్స్ వావ్ అనిపిస్తున్నాయి. ఆస్కార్ విన్న‌ర్ ఎం.ఎం.కీర‌వాణి సంగీత సార‌థ్యంలో ఈ పాట విన‌సొంపుగా ఉంది. శ్రీనిధి తిరుమ‌ల పాడిన ఈ పాట‌ను చైత‌న్య ప్రసాద్ రాశారు. 2005లో పి.వాసు ద‌ర్శక‌త్వంలో రూపొందిన ‘చంద్ర‌ముఖి’ సినిమా ఎంత పెద్ద బ్లాక్ బ‌స్ట‌ర్ హిట్ అయ్యిందో అంద‌రికీ తెలిసిందే. హార‌ర్ జోన‌ర్‌లో స‌రికొత్త సెన్సేష‌న్‌ను క్రియేట్ చేసిన 'చంద్ర‌ముఖి' చిత్రానికి కొన‌సాగింపుగా ‘చంద్రముఖి 2’ను రూపొందించారు. 

ఇతర ముఖ్యమైన పాత్రల్లో వ‌డివేలు, ల‌క్ష్మీ మీన‌న్‌, మ‌హిమా నంబియార్‌, రాధికా శ‌ర‌త్ కుమార్‌, విఘ్నేష్‌, వై.జి.మ‌హేంద్ర‌న్ .. రావు ర‌మేష్‌, సురేశ్ మీన‌న్‌ కనిపించనున్నారు. ఈ సినిమాకి ఆర్‌.డి.రాజ‌శేఖ‌ర్ సినిమాటోగ్ర‌ఫీ అందిస్తున్నారు. జాతీయ అవార్డ్ గ్ర‌హీత తోట త‌ర‌ణి ప్రొడ‌క్ష‌న్ డిజైన‌ర్‌, ఆంథోని ఎడిట‌ర్‌గా వ‌ర్క్ చేస్తున్నారు. 'వినాయ‌క చ‌వితి'కి ప్ర‌పంచవ్యాప్తంగా ఈ సినిమాను విడుదల చేస్తున్నారు.