Rashi Khanna: అతనితో డేటింగ్ మొదలు పెట్టిన తర్వాతే బరువు తగ్గాను: రాశీ ఖన్నా

తాను ఒక వ్యక్తితో డేటింగ్ చేస్తున్నట్టు ఢిల్లీ బ్యూటీ రాశీ ఖన్నా వెల్లడించింది. గతంలో తాను ఒక వ్యక్తితో డేటింగ్ లో ఉన్నానని... అతనితో బ్రేకప్ కావడంతో చాలా డిప్రెషన్ కు గురయ్యానని చెప్పింది. ఈ డిప్రెషన్ కు తోడు థైరాయిడ్ సమస్య కూడా ఉండటంతో విపరీతంగా బరువు పెరిగిపోయానని తెలిపింది. ఎన్నో వర్కౌట్లు చేసినా బరువు తగ్గలేకపోయానని చెప్పింది. ఈ ఎఫెక్ట్ తన సినిమాలపై కూడా పడిందని చెప్పింది. 

చివరకు తనను అర్థం చేసుకునే ఒక వ్యక్తి దొరికాడని... అతనితో డేటింగ్ ప్రారంభించిన తర్వాత బరువు తగ్గానని, స్లిమ్ అయ్యానని తెలిపింది. అయితే ఆ వ్యక్తి ఎవరు అనే విషయం మాత్రం రాశి చెప్పలేదు. సినిమాల విషయానికి వస్తే... ఆమె నటించిన 'పక్కా కమర్షియల్', 'థాంక్యూ' సినిమాలు గత ఏడాది విడుదల అయ్యాయి. అయితే ఈ రెండు చిత్రాలు బాక్సాఫీస్ వద్ద బోల్తా కొట్టాయి. ప్రస్తుతం తమిళం, హిందీలో ఆమె సినిమాలు చేస్తోంది. తెలుగులో మాత్రం కొత్త చిత్రాలేమీ చేయడం లేదు.