Pekamedalu: 'బాహుబలి', 'ఎవరికి చెప్పొద్దు' ఫేమ్ రాకేశ్ వర్రే నిర్మాణంలో వస్తున్న 'పేకమేడలు' ఫస్ట్ లుక్

'బాహుబలి' చిత్రంలో సేతుపతిగా నటించి మెప్పించిన యువ నటుడు రాకేశ్ వర్రే. క్రేజీ యాంట్స్ ప్రొడక్షన్స్ పతాకంపై స్వీయ నిర్మాణంలో తానే కథానాయకుడిగా 'ఎవ్వరికీ చెప్పొద్దు' సినిమాను నిర్మించారు. 2019లో విడుదలైన ఈ చిత్రం ప్రేక్షకులను అలరించింది. ఇప్పుడు అదే బ్యానర్ పై కొత్త ట్యాలెంట్ ను ఎంకరేజ్ చేస్తూ 'పేకమేడలు' అనే చిత్రాన్ని రాకేశ్ వర్రే నిర్మించారు. ఈ సినిమా ద్వారా వినోద్ కిషన్, అనూష కృష్ణలు హీరో, హీరోయిన్లుగా పరిచయం అవుతున్నారు. 'నా పేరు శివ' తదితర చిత్రాల్లో వినోద్ కిషన్ కీలక పాత్రలను పోషించాడు. అనూషకు ఇదే తొలి చిత్రం. మరోవైపు ఈ చిత్రం ద్వారా నీలగిరి మామిళ్ళ అనే నూతన దర్శకుడు తెలుగు సినిమా పరిశ్రమకి పరిచయం అవుతుండటం విశేషం.