Sri Vishnu: 40 కోట్లకి పైగా వసూళ్లతో 'సామజవరగమన'

చిన్న సినిమా అయినా సరైన కంటెంట్ ఉంటే చాలు .. థియేటర్లో రెండున్నర గంటలు కూర్చున్నామనే విషయం తెలియకుండా చేస్తే చాలు, ప్రేక్షకులు పెద్ద హిట్ ను తీసుకొచ్చి దోసిట్లో పెడుతున్నారు. అలా ఈ మధ్య కాలంలో చిన్న సినిమాగా వచ్చి పెద్ద హిట్ అందుకున్న సినిమాగా 'సామజవరగమన' కనిపిస్తుంది. 

శ్రీవిష్ణు - రెబల్ మోనికా జాన్ జంటగా నటించిన ఈ సినిమా, జూన్ 29వ తేదీన థియేటర్లకు వచ్చింది. నాన్ స్టాప్ ఎంటర్టయినర్ గా ఈ సినిమా మంచి మార్కులను కొట్టేసింది. 12 రోజుల్లో ఈ సినిమా 40 కోట్లకి పైగా వసూళ్లను రాబట్టడం విశేషం. శ్రీవిష్ణు కెరియర్లో అత్యధిక వసూళ్లను రాబట్టిన సినిమా ఇదేనని అంటున్నారు. 

ఇక ఈ సినిమా యూఎస్ లో 9 లక్షల డాలర్స్ ను రాబట్టింది. త్వరలోనే 1 మిలియన్ డాలర్ మార్క్ ను చేరుకోవడం ఖాయమని అంటున్నారు. శ్రీ విష్ణు కెరియర్లో 1 మిలియన్ డాలర్ సినిమా ఇదే అవుతుందని చెబుతున్నారు. ఫస్టాఫ్ లో నరేశ్ కామెడీ .. సెకండాఫ్ లో వెన్నెల కిశోర్ కామెడీ ఈ సినిమాకి హైలైట్ గా నిలిచాయనే సంగతి తెలిసిందే.