వివాదాస్పద వీడియో పోస్ట్ చేసిన స్టంట్ మాస్టర్ కనల్ కన్నన్ అరెస్ట్!
- ఓ యువతితో డ్యాన్స్ చేస్తున్న పాస్టర్ వీడియో పోస్ట్
- ఓ మతాన్ని కించపరిచారంటూ డీఎంకే నేత ఫిర్యాదు
- జులై 1న కేసు నమోదు చేసి, ఈ రోజు అరెస్ట్ చేసిన పోలీసులు
కనల్ కన్నన్ తన ట్విట్టర్ అకౌంట్ ద్వారా జూన్ 18న ఇందుకు సంబంధించిన వీడియోను పోస్ట్ చేశారు. ఈ వీడియోలో ఓ యువతితో పాస్టర్ డ్యాన్స్ చేస్తున్నాడు. ఈ వీడియో ద్వారా వారి మనోభావాలు దెబ్బతీశారంటూ డీఎంకే ఐటీ విభాగం డిప్యూటీ ఆర్గనైజర్ ఆస్టిన్ బెన్నెత్ సైబర్ క్రైమ్ పోలీసులకు ఫిర్యాదు చేశారు. జులై 1న కేసు నమోదు కాగా, తాజాగా ఆయనను అరెస్ట్ చేశారు. గత ఏడాది ఓ ఆలయం విషయంలో చేసిన వ్యాఖ్యలకు కూడా అప్పట్లో ఆయన అరెస్టయ్యారు.
