Pawan Kalyan: జగన్ నొక్కని బటన్ లిస్టు ఇదే: పవన్ కల్యాణ్
- నరసాపురంలో పవన్ వారాహి విజయ యాత్ర
- బహిరంగ సభలో ప్రసంగించిన జనసేనాని
- పనికిమాలిన సలహాదారులు ఉన్నా ఉపయోగం లేదంటూ విమర్శలు
- నరసాపురంలో ఒక డంపింగ్ యార్డ్ ఏర్పాటు చేయాలేకపోయారని వెల్లడి
నరసాపురం సభలో జనసేనాని పవన్ కల్యాణ్ సీఎం జగన్ పై తీవ్రస్థాయిలో విమర్శనాస్త్రాలు సంధించారు. పనికిమాలిన మీ సలహాదారులు ఎంతమంది ఉన్నా, నరసాపురంలో కనీసం ఒక డంపింగ్ యార్డ్ ఏర్పాటు చేయలేకపోయారని మండిపడ్డారు. ఈ సందర్భంగా, జగన్ నొక్కని బటన్ లిస్టు ఇదేనంటూ పవన్ కల్యాణ్ ఓ జాబితా చదివి వినిపించారు.
- పూర్తికాని పోలవరం ప్రాజెక్టు బటన్
- ఇంకా రాని ఉద్యోగాల నోటిఫికేషన్ బటన్
- నష్టపోయిన రైతుల పరిహారం బటన్
- ఇల్లు కోల్పోయి దీనస్థితిలో ఉన్న మత్స్యకారుల బటన్
- మద్దతు రాని కొబ్బరిసాగు బటన్
- దగ్ధమవుతున్న దేవాలయాలు, అంతర్వేది రథం బటన్
- ఇప్పటికీ పూర్తి కాని బ్రిడ్జి బటన్
- దళితులను చంపి బయట తిరుగుతున్న ఎమ్మెల్సీ బటన్
- ఆక్వారైతుకు రూ.1.5కి యూనిట్ విద్యుత్ ఇవ్వని బటన్
- అభివృద్ధికి నోచుకోని ఆంధ్రప్రదేశ్ బటన్
- మూతపడిన 8 వేల పాఠశాలల బటన్
- కొత్త కాలువలు కాదు కదా, కనీసం ఉన్న కాలువల పూడిక తీయలేకపోయిన బటన్
- ఆరోగ్యశ్రీ అందక కోల్పోయిన ప్రాణాల బటన్
- తాగునీరు దొరకని గ్రామాల బటన్
- స్వయం ఉపాధి కల్పించలేని బటన్
- అప్పుల్లోకి తోసేసిన ఆంధ్రప్రదేశ్ బటన్
- నిలిచిపోయిన అంబేద్కర్ విదేశీ విద్యాదీవెన బటన్
- నిరుద్యోగ యువత ఉపాధి బటన్
- ఆడబిడ్డల మాన ప్రాణాల బటన్...
ఇక ప్రసంగం చివర్లో పవన్ కల్యాణ్ పలు నినాదాలు చేశారు. జనం బాగుండాలంటే జగన్ పోవాలి... అరాచకం ఆగాలి అంటే ఈ ప్రభుత్వం మారాలి... అభివృద్ధి జరగాలి అంటే ఈ ప్రభుత్వం మారాలి... హలో ఏపీ... బైబై వైసీపీ అంటూ ప్రజలతోనూ నినాదాలు చేయించారు.
