బుల్లితెర యాంకర్ సుమ రెమ్యూనరేషన్ ఎంతంటే..!

బుల్లితెర ప్రేక్షకులకు పరిచయం అక్కర్లేని పేరు యాంకర్ సుమ.. సందర్భోచితంగా చక్కని ఉచ్చారణతో తెలుగులో మాట్లాడడం తన ప్రత్యేకత. జన్మత: కేరళకు చెందినప్పటికీ తెలుగు చక్కగా మాట్లాడే సుమ అంటే పిల్లాపెద్దా అందరికీ అభిమానమే. ఇండస్ట్రీకి వచ్చి దశాబ్దాలు గడుస్తున్నా యాంకర్ సుమ క్రేజ్ నానాటికీ పెరుగుతూనే ఉంది తప్ప తగ్గడంలేదు. కామెడీ టైమింగ్ తో రిటార్ట్ లతో ఇప్పటికీ బుల్లితెరపై సుమ టాప్ యాంకర్ గా కొనసాగుతోంది. సాధారణ ప్రేక్షకులు మాత్రమే కాదు టాలీవుడ్ హీరోహీరోయిన్లలోనూ ఆమెకు అభిమానులు ఉన్నారు.

టీవీ ప్రోగ్రాములతో పాటు స్టార్ హీరోల సినిమాల ప్రీ రిలీజ్ ఫంక్షన్లు సహా ఇతరత్రా ఈవెంట్లకు సుమ హోస్టుగా వ్యవహరిస్తున్నారు. ఇలా రెండు చేతులా సంపాదిస్తున్న సుమ ఒక్కో ప్రోగ్రాముకు ఎంత తీసుకుంటారో తెలుసుకోవాలని చాలామందిలో ఆసక్తి ఉంటుంది. యాంకర్ సుమ రెమ్యూనరేషన్ విషయంపై ప్రచారంలో ఉన్న వివరాల ప్రకారం.. మూవీ ఫంక్షన్లకు హోస్ట్ చేయాల్సి వస్తే సుమ ఒక్కో ఈవెంట్‌కు రూ.3 నుంచి రూ.5 లక్షల వరకు తీసుకుంటారట. టీవీ ప్రోగ్రాములలో పాల్గొన్నందుకు ఒక్కో ఎపిసోడ్ కు రూ.2 నుంచి రూ.3 లక్షల దాకా ఛార్జ్ చేస్తారని సమాచారం. మొత్తంగా చూస్తే యాంకర్ సుమ నెలవారీ సంపాదన రూ.20 లక్షల పైమాటేనని ఇండస్ట్రీలో టాక్ వినిపిస్తోంది.