Perni Nani: మండుటెండలో కాళ్లకు చెప్పులు లేకుండా వృద్ధురాలు... షోరూంకు తీసుకెళ్లి చెప్పులు కొనిచ్చిన పేర్ని నాని

  • మచిలీపట్నంలో ఘటన
  • పేర్ని నాని కారులో వెళుతుండగా కనిపించిన వృద్ధ మహిళ
  • కారు ఆపి వివరాలు కనుక్కున్న మాజీ మంత్రి
  • కొత్త చెప్పులు కొనిచ్చిన పేర్ని నానికి చేతులు జోడించిన వృద్ధురాలు
Perni Nani bought slippers for an old woman

వైసీపీ ఎమ్మెల్యే, మాజీ మంత్రి పేర్ని నాని ఓ వృద్ధురాలి పట్ల పెద్ద మనసు ప్రదర్శించారు. మచిలీపట్నంలో కాళ్లకు చెప్పులు లేకుండా నడి ఎండలో నడుచుకుంటూ వెళుతున్న వృద్ధురాలిని చూసి ఆయన చలించిపోయారు. ఆమెకు చెప్పులు కొనిచ్చి మానవత్వం చాటుకున్నారు. 

ఆ సమయంలో పేర్ని నాని కారులో అటుగా వెళుతున్నారు. ఎండదెబ్బకు జన సంచారం ఎక్కువగా లేని ఆ సమయంలో, వృద్ధురాలు కాళ్లకు చెప్పులు కూడా లేకుండా నడస్తుండడం పట్ల ఆయన దృష్టిని ఆకర్షించింది. వెంటనే కారు ఆపి, ఆ వృద్ధురాలి వివరాలు కనుక్కున్నారు. ఆమె పేదరాలు అని గ్రహించిన పేర్ని నాని, ఆమెను ఓ పాదరక్షల షోరూంకు తీసుకెళ్లి, నచ్చిన చెప్పులు కొనిచ్చారు. 

చెప్పులు ఎలా ఉన్నాయమ్మా... లూజుగా ఉన్నాయా... సరిపోయాయా అంటూ అడిగి తెలుసుకున్నారు. చెప్పులు కొనిచ్చిన పేర్ని నానికి ఆ వృద్ధురాలు చేతులు జోడించి కృతజ్ఞతలు తెలుపుకుంది. దీనికి సంబంధించిన వీడియో సామాజిక మాధ్యమాల్లో వైరల్ అవుతోంది.

More Telugu News