విజయ్ దేవరకొండ కొత్త ప్రాజెక్టు అధికారిక ప్రకటన .. హీరోయిన్ గా శ్రీలీల!

విజయ్ దేవరకొండ నుంచి ప్రేక్షకుల ముందుకు రావడానికి 'ఖుషి' సినిమా రెడీ అవుతోంది. శివ నిర్వాణ దర్శకత్వం వహించిన ఈ సినిమా, సెప్టెంబర్ 1వ తేదీన ప్రేక్షకుల ముందుకు రానుంది. ఈ నేపథ్యంలోనే మరో ప్రాజెక్టును విజయ్ దేవరకొండ పట్టాలెక్కించాడు. ఈ సినిమాకి ఇంకా టైటిల్ ను ఖరారు చేయలేదు. 

ఈ రోజున విజయ్ దేవరకొండ పుట్టినరోజు. ఈ సందర్భాన్ని పురస్కరించుకుని ఈ సినిమా నుంచి ఒక పోస్టర్ ను వదిలారు. ఈ కాన్సెప్ట్ పోస్టర్ వలన ఇది ఒక స్పై థ్రిల్లర్ జోనర్లో నడిచే కథ అనే విషయం అర్థమవుతోంది. ఈ సినిమాకి గౌతమ్ తిన్ననూరి దర్శకత్వం వహిస్తున్నాడు. తెలుగులో 'జెర్సీ' తరువాత ఆయన రూపొందిస్తున్న సినిమా ఇది. 

అనిరుధ్ సంగీతాన్ని సమకూర్చుతున్న ఈ సినిమాను, సితార నాగవంశీ నిర్మిస్తున్నారు. ఈ సినిమాలో కథానాయికగా శ్రీలీలను తీసుకున్నారు. ఆల్రెడీ రామ్ జోడీగా .. నితిన్ జోడీగా సిసినిమాలు చేస్తున్న ఆమె, విజయ్ దేవరకొండ సరసన కూడా అవకాశాన్ని చేజిక్కించుకోవడం విశేషమే.