'ఖుషి' నుంచి ఫస్టు సింగిల్ రిలీజ్

ప్రేమకథా చిత్రాల స్పెషలిస్టుగా శివ నిర్వాణకి మంచి పేరు ఉంది. ఆయన తెరకెక్కించిన 'నిన్నుకోరి' .. 'మజిలీ' సినిమాలను ప్రేక్షకులు ఇంకా మరిచిపోలేదు. ఆయన దర్శకత్వంలో ఇప్పుడు మరో ప్రేమకథ ప్రేక్షకుల ముందుకు రానుంది .. ఆ సినిమా పేరే ఖుషీ. ఈ సినిమాలో సమంత - విజయ్ దేవరకొండ జంటగా నటించారు. 

'మహానటి' సినిమాలో కలిసి కనిపించిన ఈ జోడీ ఇప్పుడు పూర్తిస్థాయిలో హీరో .. హీరోయిన్స్ గా కనిపించనున్నారు. ఇక 'మజిలీ' వంటి హిట్ తరువాత శివ నిర్వాణతో కలిసి సమంత చేస్తున్న సినిమా ఇది. ఈ సినిమా నుంచి కొంత సేపటి క్రితం, 'నా నువ్వే' అనే ఫస్టు సింగిల్ ను రిలీజ్ చేశారు.

హేషం అబ్దుల్ వాహెబ్ స్వరపరిచిన ఈ పాటకు సాహిత్యాన్ని అందించగా, ఆలపించారు. మైత్రీ మూవీ మేకర్స్ వారు నిర్మించిన ఈ సినిమాను తెలుగుతో పాటు తమిళ .. మలయాళ .. కన్నడ .. హిందీ భాషల్లో, సెప్టెంబర్ 1వ తేదీన విడుదల చేయనున్నారు. యూత్ కి ఈ సినిమా ఎంతవరకూ కనెక్ట్ అవుతుందనేది చూడాలి.