bicycle: వినూత్న ఆవిష్కరణ.. స్క్వేర్ ఆకారపు చక్రాలతో సైకిల్!

సైకిల్ నుంచి కారు, లారీ, చివరికి రైలు చక్రం వరకు అన్నీ గుండ్రంగానే ఉండడాన్ని గమనించి ఉంటారు. అసలు వాహనానికి చక్రం గుండ్రంగానే ఎందుకు ఉండాలి? అన్న ప్రశ్న ఎప్పుడైనా వచ్చిందా? అలాంటి సందేహమే ఓ వ్యక్తికి వచ్చింది. అందుకే గుండ్రంగా ఎందుకు..? వెరైటీగా స్క్వేర్ ఆకారంలో తయారు చేద్దామని అనుకున్నాడు. ప్రయత్నిస్తే పోయేదేముంది? అనుకుని కష్టపడి మరీ అనుకున్నది ఆవిష్కరించాడు. 

యూ ట్యూబర్ మిష్టర్ క్యూ ఈ సైకిల్ ను తయారు చేశాడు. చక్రం అంటేనే గుండ్రంగా ఉంటుంది కదా? మరి స్క్వేర్ గా చేస్తే ఎలా తిరుగుతుంది? వీటికి సమాధానమే మిష్టర్ క్యూ ఆవిష్కరణ అని చెప్పుకోవాలి. మనోడు కేవలం వీల్ ను మాత్రమే స్క్వేర్ గా ఆవిష్కరించాడు. ఈ పోస్ట్ కు 30 లక్షలకు పైనే వ్యూస్ వచ్చాయి. యూజర్లు ఆసక్తిగా ఈ సైకిల్ ను చూసేస్తున్నారు. వినూత్నమైన సైకిల్ కొందరికి ఎంతగానే నచ్చేసింది. చక్రాలు నాలుగు పలకలుగా ఉంటే మరింత శ్రద్ధ అవసరమని, దీంతో ప్రయాణ సమయంలో అదనపు భారం పడుతుందని కొందరు యూజర్లు కామెంట్లు పెట్టారు.