డబ్ల్యూపీఎల్ లో ఆసక్తికర మ్యాచ్... టాస్ గెలిచిన ఆర్సీబీ

ఉమెన్స్ ప్రీమియర్ లీగ్ (డబ్ల్యూపీఎల్) లో నేడు రాయల్ చాలెంజర్స్ బెంగళూరు, ముంబయి ఇండియన్స్ తలపడనున్నాయి. ముంబయిలోని బ్రాబోర్న్ స్టేడియం ఈ మ్యాచ్ కు వేదిక. ఈ పోరులో టాస్ గెలిచిన రాయల్ చాలెంజర్స్ బెంగళూరు జట్టు బ్యాటింగ్ ఎంచుకుంది. 

స్మృతి మంధన, సోఫీ డివైన్, ఎలిస్ పెర్రీ, హీదర్ నైట్, మేగాన్ షట్ లతో ఆర్సీబీ బలంగా కనిపిస్తోంది. అయితే ఢిల్లీ క్యాపిటల్స్ తో ఓటమిపాలైన ఆర్సీబీ ఈ మ్యాచ్ లో ఎలా ఆడుతుందన్నది ఆసక్తి కలిగిస్తోంది. 

ఇక, ముంబయి ఇండియన్స్ మరో విజయం కోసం ఉరకలేస్తోంది. టోర్నీ ప్రారంభ మ్యాచ్ లో ముంబయి ఇండియన్స్ భారీ తేడాతో గుజరాత్ జెయింట్స్ ను చిత్తుచేసింది. ఆ జట్టులో కెప్టెన్ హర్మన్ ప్రీత్ కౌర్ సూపర్ ఫామ్ లో ఉండగా, హేలీ మాథ్యూస్, నాట్ షివర్, అమేలియా కెర్, ఇస్సీ వాంగ్, సలికా ఇషాక్ తదితరులు రాణిస్తే వరుసగా రెండో విజయం సాధించడం పెద్ద కష్టమేమీ కాదు.