Sreeleela: ఇది శ్రీలీల అందాల మాయాజాలమే..లేటెస్ట్ పిక్స్!

తెలుగు తెరకు ఈ మధ్య కాలంలో పరిచయమైన అందమైన కథానాయికలలో శ్రీలీల ఒకరు. ఈ బెంగళూర్ బ్యూటీ 2019లో కన్నడ సినిమా 'కిస్'తో పరిచయమైంది. ఆ తరువాత రాఘవేంద్రరావు పర్యవేక్షణలో వచ్చిన 'పెళ్లి సందD' సినిమాతో టాలీవుడ్ ఎంట్రీ ఇచ్చింది. ఆ సినిమా ఫలితం ఎలా ఉన్నప్పటికీ, గ్లామర్ పరంగా ఈ బ్యూటీ మంచి మార్కులను కొట్టేసింది. ఇక ఇటీవల వచ్చిన 'ధమాకా' సినిమాతో భారీ విజయాన్ని తన ఖాతాలో వేసుకుంది.ఈ సినిమాతో డాన్సుల పరంగా కూడా మంచిపేరు తెచ్చుకున్న ఈ సుందరి, ఇప్పుడు వరుస సినిమాలతో బిజీగా ఉంది. అనిల్ రావిపూడి దర్శకత్వంలో బాలయ్య చేసే సినిమాలోను .. రామ్-బోయపాటి మూవీలోను.. వక్కంతం వంశీ ప్రాజెక్టులోను అవకాశాలను దక్కించుకుంది. త్రివిక్రమ్ - మహేశ్ బాబు సినిమాలోను అవకాశాన్ని సొంతం చేసుకుంది. ఇప్పుడు టాలీవుడ్ లో ఈ భామ పేరే ఎక్కువగా వినిపిస్తోందంటే ఆమె స్పీడును అర్థం చేసుకోవచ్చు. అలాంటి శ్రీలీల నుంచి ఆమె లేటెస్ట్ పిక్స్ వదిలారు. బ్లూ కలర్ శారీలో ఈ సుందరి పడుచు పాలరాతి శిల్పంలా మెరిసిపోతోంది. కోలకళ్లతో కొంటె చూపులను విసురుతోంది. కుర్రాళ్లంతా తమ గుండె గోడలపై ఆమె పోస్టర్స్ ను అంటించేసుకుంటున్నారు. ఇది శ్రీలీల అందాల లీల అనే చెప్పాలి.