Vaarasudu: అమెజాన్ ప్రైమ్ లో వారసుడు.. స్ట్రీమింగ్ ఎప్పుడంటే..!

థియేటర్లలో విడుదలైన సినిమాలు ఏడెనిమిది వారాల్లోనే ఓటీటీలో స్ట్రీమింగ్ అవుతున్నాయి. కొన్ని సినిమాలైతే ఇంకా ముందుగానే ఓటీటీలో విడుదల అవుతున్నాయి. ఈ నేపథ్యంలో సంక్రాంతికి రిలీజ్ అయిన వారసుడు సినిమా ఓటీటీలోకి ఎప్పుడొస్తుందా అని విజయ్ అభిమానులు ఎదురుచూస్తున్నారు. తమిళంలో సూపర్ హిట్ గా నిలిచిన ఈ సినిమా తెలుగు వెర్షన్ ను వచ్చే నెలలో ఓటీటీలో రిలీజ్ చేయనున్నట్లు సమాచారం.

ఈ మూవీ ఇప్పుడు ఓటీటీలో అలరించడానికి రెడీ అవుతోందని తెలుస్తోంది. వారసుడు సినిమా ఓటీటీ రైట్స్ ను దక్కించుకున్న అమెజాన్.. ఫిబ్రవరి 10న ఈ సినిమాను ప్రైమ్ లో విడుదల చేసేందుకు ఏర్పాట్లు చేస్తున్నట్లు తెలుస్తోంది. తెలుగు, తమిళ భాషల్లో వారసుడు సినిమాను స్ట్రీమింగ్ చేయనున్నారని అనధికార సమాచారం. ఇప్పటి వరకు దీనిపై అమెజాన్ నుంచి అధికారికంగా ఎలాంటి ప్రకటన విడుదల కాలేదు.