Balakrishna: బాలయ్యను ఒప్పించిన 'బింబిసార' డైరెక్టర్!

కల్యాణ్ రామ్ వరుస ఫ్లాపులతో ఇటు హీరోగా .. అటు నిర్మాతగా సతమతమవుతూ ఉండగా, 'బింబిసార' సినిమాతో ఆయనకి తిరుగులేని హిట్ ను ఇచ్చాడు దర్శకుడు వశిష్ఠ. ఈ సినిమా కల్యాణ్ రామ్ కెరియర్లోనే ప్రత్యేకమైనదిగా నిలిచింది. అందువల్లనే 'బింబిసార' కి సీక్వెల్ చేసే ఆలోచనలో ఉన్నారు. 

ఇప్పుడు ఈ డైరెక్టర్ కి డిమాండ్ పెరిగిపోయింది. ఆయనతో సినిమా చేయడానికి యంగ్ స్టార్ హీరోలు .. సీనియర్ స్టార్ హీరోలు ఆసక్తిని కనబరుస్తున్నారు. ఈ నేపథ్యంలోనే బాలయ్యకి కూడా వశిష్ఠ ఒక కథను వినిపించాడట. కథ కొత్తగా ఉండటం వలన, వెంటనే ఆయన గ్రీన్ సిగ్నల్ ఇచ్చినట్టుగా ఒక వార్త షికారు చేస్తోంది. ప్రస్తుతం బాలయ్య చేతిలో ఉన్న ప్రాజెక్టులు పూర్తయిన తరువాత ఈ కాంబో ఉంటుందని అంటున్నారు. 

ఇక రజనీ వరుసగా యంగ్ డైరెక్టర్స్ కి ఛాన్స్ ఇస్తూ ఉండటంతో, ఆయనకి కూడా వశిష్ఠ ఒక కథను వినిపించాడని చెబుతున్నారు. 'జైలర్' రిలీజ్ తరువాత ఈ ప్రాజెక్టు విషయంలో ఒక క్లారిటీ రావొచ్చని అంటున్నారు. గీతా ఆర్ట్స్ లోను వశిష్ఠ ఒక సినిమా చేయనున్నాడనే టాక్ బలంగా వినిపిస్తోంది.